《遺愛》成陳漢娜、胡子彤演技考牌作 由相愛到相纏 極度虐心演出－Hanna迎難而上挑戰自己、子彤笑言分不清對Hanna「係愛定係責任」

首部劇情電影計劃得獎作品《遺愛》由馮智恒執導，演員陣容除了零片酬接拍的鄭中基，更包括近年活躍影壇的新世代演員陳漢娜及胡子彤。故事講述一個屯門一家三口的家庭－陳漢娜、胡子彤和女兒在這個狹小的空間中進退失據，關係由相愛到相纏，氣氛由甜蜜到猜疑的悲情案件。當中，故事以一個橫跨兩代的悲劇作藍本－九十年代時，陳漢娜飾演的未成年母親Elisa犯了誤殺罪，怎料二十年後，由陶禧玲飾演的迪詩亦因為藏毒被捕，而迪詩正是Elisa的遺孤。兩代年輕人同時被遺棄遺忘，在這個不斷製造悲劇的無情社會中掙扎求存。

女主角陳漢娜憶述收到劇本時，感覺非常震撼。她說接拍《遺愛》是迎難而上，挑戰自己可能性：「呢個角色好難處理，因為劇本橫跨咗好多年，由中學到未婚懷孕，喺缺乏屋企人支持下獨力扶養小朋友，仲要為生活越過底線做妓女。既然得到導演信任，做演員好難得遇到呢一種咁有挑戰性嘅角色，正因為好難做，所以更加想挑戰下！」

而子彤為演好角色，壓力甚大，不停調整演出，子彤表示：「我個角色背景係一個冇得揀嘅古惑仔，唔知道自己對戲中Hanna嘅感情係愛定係責任，經歷咗好多事先知道自己真係鍾意呢個女人、可惜用錯咗方法去愛佢。自己試鏡嘅時候覺得呢個角色好有發揮，好彩喺圍讀同排戲之間同導演攞咗共識，再喺拍攝嘅時候捉到文偉嘅感覺。真係要多謝導演！」

導演馮智恒坦言近年港片很少這類壓抑的角色，榮幸得到一眾演員的信任，希望透過劇組上下的努力帶給觀眾耳目一新的感覺，他說：「喺我眼中，Hanna同子彤嘅角色代表緊香港好多年輕人，生活上充滿困難，未能夠向上流動，所以內心充滿壓抑，兩位演員用心演繹到角色嘅實感，包括情緒上起伏跌宕，甚有挑戰。我好希望大家可以支持呢兩位咁有誠意嘅新世代演員！」

《遺愛》將於2021年6月10日盛大獻映，電影為第四屆首部劇情電影計劃得獎作品，早前更受外地肯定，連入三個國際影展，包括出戰第16屆大阪亞洲電影節競賽單元及晉身第12屆芝加哥躍動電影節展參展電影及新加坡香港電影節。

故事大綱：

故事講述二十年前，年輕的母親Elisa（陳漢娜 飾）犯了誤殺罪；二十年後，舉目無親的迪詩（陶禧玲 飾）亦因為藏毒被捕。探員林力輝（鄭中基 飾）在拘捕迪詩後，回憶起十多年前曾處理過的一宗情侶兇殺案－迪詩正是Elisa的遺孤。除了遺憾，林力輝還可以做什麼？

片名：《遺愛》

導演：馮智恒

演員：鄭中基、陳漢娜、胡子彤

語言：粵語

級別：IIB

上映日期：2021年6月10日

片長：106 分鐘

類型：劇情