fbpx
Take a fresh look at your lifestyle.

小小化妝師,憑FB華麗轉身成為CEO

604

小小化妝師,憑FB華麗轉身成為CEO

Livana 楊沅宜 (Pitanium 創辦人之一)

2012年只有24歲的Livana同一般化妝師無異,有一個自己小小的化妝Studio ,憑著一手好手技及口才,贏得一衆客戶信任,平常也有入貨賣給客戶,繼而產生在FB開網店的念頭,到今年2020,花了8年心血和時間,已躍升成為自家品牌Pitanium的CEO。

朋友們都稱Livana 為沅沅,而最新在她Youtube 頻道上,看到的標題是「小沅老師」,可猜到她的市場策略。Livana 本人好上鏡又靚,自然地就成為自己網店的代言人及生招牌,網上大量的廣告推廣,很多女生對她應該都有一定印象。

筆者好奇當時2012她為何唔選擇做已經好Hit 的KOL ,反而自己出錢投資開網店,背後有咩原因推動她去創業?「我個人好實際,KOL行業就無咁適合,比較喜歡一盤實體生意,而當中最大推動力就係投資咗一定嘅錢入貨,心想一定要賣出,同對拍檔都要有所交代」。由2012年由FB網店Here We Seoul 開始,她試過超多種不同的業務,包括網店、Spa treatment 、Fitness Program、化妝服務 而家就專注於在Skin Care 及美容療程等等。

每個人對成功的定義都不同,隨著年紀變化都會有一番不同的感受,而Livana在創業初期,年輕的心其實沒想太多,有機會試的都想去試,所有有關扮靚上嘅嘢都想去做,因為佢認為

「一個女人嘅靚,係包括好多方面。」

 由頭到尾她沒有為成功設立一個定義,但回頭望望自己8年創下的成績,已經比想像中走得遠,得到的比預期多,她覺得成功並不是一個目的地。

到了2020的今天,Livana 會覺得能夠做自己最叻、最專的事,才是最重要,而她自己最擅長都是產品,所以便創立了自己的品牌  “Pitanium”。

每個創業者初期,或多或少都會遇到困難嘅事,亦會因為比自己預期多的困難而想過放棄,而Livana 呢?她竟然覺得呢個問題好難回答,沒什麼想得出來。筆者頓時驚訝地心想,是否因為太順利?「都唔係嘅,但我試吓講,就好似我哋拎第一個獨家代理時咁,大品牌就唔會睇得起我哋呢啲小本經營嘅網店,即使係我哋都未必賣到佢哋要求嘅量,所以我哋改為轉向尋求一些品質好好,但又不懂市場推廣的小品牌去洽商。我們很用心為他們去做市場推廣,直至到我們每推一件貨品都會爆紅,其他有實力嘅品牌就對我們另眼相看,主動聯繫我哋去傾合作,以前真的無想過會咁。」

由此可見,即使你有好好的商品,但欠缺市塲推廣,都是難上軌道。Livana 又補充「另外,好似建立自己品牌期間,同自己預期好大出入,因為要由零開始到成件產品面世,要擔心的事情都好多,但我覺得….既然都決定去做,就專心去做,即使衰咗都得到一個很寶貴的經驗,但如果未開始就放棄,就永遠不會知道結果,同永遠就沒有這個品牌出現。」

網上推廣及宣傳是不可缺少

創業嘅路途中,她了解到市場推廣對創業和做生意,都是十分重要,它可以把你公司的形象、產品和服務帶到潛在嘅客戶眼前,尤其係而家大部分實體店都搬上網後,競爭比以前更加激烈,一般客人係唔會自動走入去你公司嘅店舖/網店,所以做網上推廣及宣傳是不可缺少,投資這方面是必須及絕對,是有回報的,別預少這份預算,會輸得好唔扺。

所以大家最近都見到Livana 為自家品牌Pitanium 投放十分大的資源作推廣,邀請了龔嘉欣、黃智雯和她一同合作拍攝宣傳短片,目的就是希望吸引更多人(潛在新客戶)注意她們這個新創品牌。

已經去到創立自己品牌,是否一個終極目標呢?對Livana 暫時來說,創立自己品牌已經是一直的目標,既然開始了,便會一直專注做下去,研發更多新、更好玩的產品。現時她已經有三間美容院,亦希望可以提供更多不同「有趣」療程比客戶。

生活比壓力我哋,我哋就要還佢奇蹟

我們不得不承認,2019~2020年的香港,算是混亂又帶點傷感,無論你生於50年代或是千禧世代,都確實生活得不容易,更何況是創業!但Livana反而選擇成立新品牌,係尖沙咀海港城開新店成為逆市奇葩,她的堅毅信念和勇氣實在令筆者欣賞,她的想法是「其實大環境年年都是會不停轉變,最緊要係要靈活些,唔好比個環境影響我哋,而係我哋改變自己去適應環境。」

而且她又說她公司好喜歡「不行正路」去發展,意思係大家覺得人人咁做先啱,她們就未必會咁行。

Livana喜歡一個講法,就係「生活係逢山開路、遇水架橋,生活比壓力我哋,我哋就要還佢奇蹟。」

在這個市道低迷年代,人是很容易為自己找上多借口去不努力,因為即使衰咗,都好順理成章,只怪時勢不造人,無人會怪你,但Livana覺得不可以這樣思考,因為咩時代都好,總會有一條血路可以比你殺出來的。

最後,Livana 說品牌Pitanium 有些皇牌產品,如洗頭水一定要試,由於她自己試過脱髪好嚴重,所以找出呢個日本配方,總共有4个步驟。而皮膚上就係表皮匠$780(類似BB cream) 同裝修佬$380-980 (Primer) 等等。

訪後感:

早於六七年前,小編已經有留意Livana ,覺得佢好有生意想頭,靚女又叻女,而且一睇佢創作的文案就知道好用心及勤力,妙筆生花,精彩絕倫。

今次訪問後,加深認識,好欣賞她的正面思考,亦充分表現出香港創業家精神。而且訪問中更得知佢同好朋友兼拍檔(黃英揚Liam)八年中都沒大衝突及意見不合,凡事有相有量,實在令很多合伙做生意的人羨慕!畢竟生意歸生意,朋友還朋友,很多時候合伙做生意,很容易便失去一個朋友,甚至一個親人。至於Pitanium 嘅產品功效,究竟係咪如她文案所講的精彩?產品屬中高價,一支洗頭水需$480-1180 ,一盒cushion base + foundation 15g $680 (Refill $580),產品效能多少及值唔值得抗疫下投資?小編截稿前,都未試用過,就不下評語了。

#pitaniumharbourcity #pitanium #LovePitanium #PiPinkeningPopup