【Gelato-gather! 全港首個意式雪糕市集】
多間特色意式雪糕店集結 PMQ！
Gelato-gather! Let’s Gather All Gelato Lovers!
秋意伴隨甜甜滋味，9 月下旬「Gelato-gather! 全港首個意式雪糕市集」匯聚本港多間特色意式雪糕店、人氣甜品小食以及文創生活品牌，一連兩個週末讓甜蜜與歡笑集結 PMQ，與你分享品嚐 Gelato帶來的簡單快樂，讓意式雪糕連繫你我，Let’s Gelato-gather!
多間特色意式雪糕店，帶來源源不絕的味覺驚喜
「Gelato-gather!」召集多間人氣意式雪糕店，參與這場讓意式雪糕控為之瘋狂的甜蜜聚「匯」！
參展品牌各有千秋，驚喜源源不絕。例如早前於美食節推出意式雪米糍 Mochi Gelato 大獲好評的人氣組合老字號均香餅家 X The Frozen Club 將會再現 -；主打以沖繩時令蔬果製作 Gelato 的日本過江龍 Yonna Yonna Gelato；致力研發新奇口味如招牌芫茜、夠薑撞奶、粟米湯 挑戰味蕾極限的 Dino Gelato 癲佬雪糕；結合頂級食材如黑松露和魚子醬呈獻奢華體驗的 Kai’sGourmet；在每球芒果椰奶、泰式奶茶意式雪糕上，加上一片果味濃郁的椰奶芒果乾點綴，帶來經典泰式滋味的 Siam’s Royal。
除此之外，亦可品嚐到各品牌以招牌產品結合意式雪糕所創造出的全新滋味，展現出美味+美味=人間美味的協同效應。如燕麥奶咖啡專門店素啡工場 Sofe Coffee 推出加入純素燕麥味意式雪糕球的 Affogato；仙草甜品店八時神仙草帶來紅心芭樂以及黑糖仙草 Gelato。場內更有機會一嚐不設線下門市，專注為酒店及餐廳供應優質意式雪糕的 Gelato Lab。
Gather 寵物雪糕，與毛孩分享甜蜜喜悅
市集選址寵物友善的 PMQ，當然不忘為毛孩朋友謀福祉！「Gelato-gather!」找來 HOOMAN By The Sea 送上毛孩也能享受的寵物雪糕，一同分享這份甜蜜喜悅。
TooA 意大利雪糕機打造全新家居體驗， 延續甜蜜滋味
意大利雪糕機品牌 TooA 特設攤位，展出曾榮獲 iF 設計大獎 以及 Red Dot 設計大獎的皇牌產品 TooA Milano Pro。並即場以品牌的特製意式雪糕漿 (Proforma Brik) 向來賓示範產品的操作流程，只需 8 分鐘即可品嚐到醇滑美味的意式雪 糕，為你帶來全新家居體驗，在家延續甜蜜滋味。
8 大特色主題工作坊，創造帶得走的甜蜜印記
「Gelato-gather!」聯同多位導師精心籌備了 8 個與雪糕或中秋節相關的工作坊*，讓大家在文化藝術的集中地 PMQ 享受 DIY 與藝術創作的樂趣。特色工作坊包括由香港著名紙藝藝術家 Vika Cheng 為「Gelato-gather!」市集特別設計的紙藝雪糕杯工作坊、陶瓷雪糕杯工作坊、微縮雪糕飾物工作坊、迷你兔兔燈籠工作坊等，由導師們一步步指導完成作品，帶走一份得以永存的甜蜜印記！
*參加工作坊需提前登記預約，收費及課程簡介請查閱 @gelato_gather Instagram Linktree 頁面內各工作坊報名連結。
| 意式雪糕Gelato 攤檔 | |
| Booth ⟣ A01 — The Frozen Club x 均香餅家 | |
 |
老字號均香餅家聯同 The Frozen Club 早前喺美食節推出嘅意式雪米糍 Mochi Gelato 大獲好評，呢個人氣組合嚟緊將會再現 -！均香餅家煙韌軟糯嘅糯米皮包裹香滑綿密嘅意式雪糕，帶嚟Double Chewy 嘅口感配搭。每粒意式雪米糍由搓皮到包雪糕均有大隻仔店長為你即場製作，品嚐最新鮮嘅滋味！
@thefrozenclubhk @kwanhongbakery |
 |
自日本冲繩意式手工雪糕店Yanbaru Gelato噭首間海外專門店，以 冲繩各式時令蔬果例如冲繩香檸、菠蘿桶柑、今歸仁西瓜等製作意式 雪糕，並且奉行可持續理念，賦予外表略有瑕疵但美味不變噭農産品 第二生命，減少浪費。等大家透過味蕾感受獨特噭琉球風情，體會當 地噭慢活格調。
今歸仁西瓜完美呈現西瓜自身噭清甜果香，絕無化學味，水果愛好者 必試(-~-.) @yonnayonnagelato |
 |
採用泰國頂級新鮮芒果同榴楗製作果乾慨遊泰必買手信品牌Siam’s Royal,夥拍本地手工雪糕廠 lgloo推出極具泰國特色慨Gelato,包括 芒果椰奶同泰式奶茶口味，每杯細腻柔滑慨意式雪糕都會額外加上一 片果味濃郁噭椰奶芒果乾，呈現經典泰式滋味!
Gelato-gather仲可以率先品嗜到全新口味Pina Colada配蜂蜜芒 果乾! @siamsroyalhk |
 |
當意式雪糕同珍貴食材結合，啖啖奢華滋味一定會刷新你嘅味蕾想像！Kai’s Gourmet 為你送上「雪糕界黑鑽」黑松露意式雪糕，細味令人慾罷不能嘅高質美味。品牌亦有推出愈 30%新鮮果肉製成嘅 D24 榴槤、 椰子及開心果等意式雪糕，真材實料啖啖滿足，而且仲係香港新鮮製造㗎！
@kai.s_gourmet |
 |
位於 K11 Musea 嘅高端意式雪糕店 Dood Bottega Gelateria，秉承傳統意大利製法，堅持使用最上乘同新鮮嘅食材，保證百分百真材實料，絕不添加任何預製材料、香精同色素，為客人帶嚟最優質美味嘅手工 Gelato。食嘅唔只係 Gelato，更係店主對意式雪糕嘅執著同熱誠！
@dood_bottega_gelateria |
 |
專注為酒店及餐廳供應優質意式雪糕嘅 Gelato Lab，品牌設計理念靈感來自義大利南部島嶼西西里島，堅持以義大利進口優質原料結合傳統手工配方，確保產品符合最高品質標準！透過冰涼嘅甜蜜滋味，帶你味遊陽光明媚、海風徐徐嘅西西里島。 |
 |
意大利藉雪糕師主理嘅意式雪糕品牌 DAYVI Italian Gelato 由啟德嚟到 – 市集，為你誠意推薦皇牌產品開心果 Gelato！100%產地直送，由意大利西西利嘅開心果製成，煉成超地道 Gelato滋味。而且 DAYVI 特別採用海藻糖製作 Gelato，比起一般意式雪糕更低糖、低脂同低卡，啱晒注重健康但又為食嘅你！
@dayviitaliangelato |
 |
「癲嘅唔係我，癲嘅係一直幫襯我嘅你哋」香港手工製造，定期推出腦洞大開嘅獨特口味挑戰大家嘅想像同味蕾極限，例如可以額外加上新鮮芫茜 topping 嘅招牌芫荽味。以新奇口味嘅意式雪糕以及吸睛嘅罐頭包裝而聞名「癲佬界」。
@dino.gelato.hk |
 |
主打仙草甜品、飲品同雪花冰嘅台灣品牌八時神仙草，將寶島嘅仲夏滋味凝聚成一球又一球冰涼甜蜜嘅意式雪糕，為你獻上酸甜清爽嘅紅心芭樂以及清新回甘嘅黑糖仙草 Gelato！
除咗意式雪糕，喺 – 會場亦可品嚐到八時神仙草用心熬煮 8 小時而成嘅嫩仙草甜品，例如抹茶嫩仙草盛盤，以及透心涼嘅手捧嫩仙草雪花冰，好好呷喔～ @pashih.hk |
 |
專注以純植物奶以及獨有嘅咖啡豆烘焙配方調配咖啡，為客人送上健康美味嘅燕麥奶咖啡，品嚐純素滋味，乳糖不耐症亦能享受奶啡嘅醇滑口感。當燕麥奶咖啡遇上素啡新研製嘅純素燕麥味意式雪糕球，會為你帶嚟點樣嘅全新 Affogato 味覺體驗？
@sofecoffeehk |
 |
始於香港嘅 XTC 緊貼流行趨勢，以時下大熱嘅杜拜朱古力研製新口味，喺 – 為你呈現杜拜朱古力意式雪糕！除咗會參考近期大熱，喺口味研發上更勇於以傳統港式甜品或飲料為原形製作創新口味，推出如港式奶茶、石板街、菠蘿包等富有香港特色嘅味道。XTC 匠心製作意式雪糕近 25 載，為香港人製作家「嚐」味道！
@xtc.gelato |
|
非意式雪糕 Gelato 攤檔 |
|
| Booth ⟣ A03 — 雙魚小姐 | |
 |
雙魚小姐每件甜品唔單止靚到好似藝術品咁令人賞心悅目，味道更係同外貌如出一轍咁好味，帶嚟視覺同味蕾雙重滿足嘅小確幸！喺今次 – 市集，大家可以品嚐到雙魚小姐多款精選甜點，包括一盒有齊三款口味（原味海鹽焦糖、開心果脆脆、草莓奶油）嘅人氣新品——雜錦焦糖奶油夾心曲奇禮盒。
＠misspiscescreations |
| Booth ⟣ A05 — HOOMAN by the Sea | |
 |
一日不見甚是想念，掛住同毛孩喺西九文化區邊食熱狗邊享受海風Chill 嘅日子？HOOMAN 將會喺 – 同大家再次會面！帶嚟自選曲奇餅雪糕三明治、特色冰涼特飲，以及毛孩都可以食嘅雪糕，人寵同樂度過開心週末～
@hooman.cafe |
| Booth ⟣ A08 — Ms SOUP | |
 |
專為忙碌都市人而設嘅養生食療品牌 Ms SOUP，推出一系列方便食用嘅精緻湯包同茶湯，將養生嘅門檻大大降低 。品牌嚴選天然優質食材，每一款湯包均由註冊中醫專家針對現代人常見健康問題調配而成，健康新生活由一碗靚湯或一杯花茶輕鬆開啟 。臨近中秋，Ms SOUP 將新推出嘅茶味同金沙奶黄月餅帶到 – 市集會場，不能錯過 ！
@mssoup.hk |
| Booth ⟣ A09-10 — 長洲師傅糯米糍 | |
 |
軟糯煙靭嘅糯米糍皮包裏大大塊香甜多汁嘅芒果，呢粒皮薄餡靚嘅芒果糯米糍絕對係香港人去長洲嘅必食 Item！而家唔洗搭船過長洲，去位於中環 PMQ 嘅 – 市集都可以回味得到！ |
| Booth ⟣ B02 — Mochitori 麻糬鳥 <9 月 26-28 日限定> | |
 |
嚴選優質食材以及日本北海道 3.6 牛乳，每日新鮮製作令煙靭控為之瘋狂嘅鮮奶麻糬。軟糯出色嘅麻糬本體配搭各種人氣口味，例如香炒花生、特濃芝麻、髒髒抹茶、髒髒可可等，細味咀嚼幸福滋味。近年更推出咗包餡麻糬同豆腐麻糬等新產品，繼續療癒大家～
@mochitorihk |
| Booth ⟣ B04 — 台灣小舖 | |
 |
每次行台灣夜市總係會因為阿姨嘅熱情推銷，而帶住幾包香噴噴嘅豬肉乾離場。台灣小舖將呢份人情味同土產帶到 – 市集！為你呈獻由台灣溫體豬後腿肉製成嘅黃金豬肉乾，五款口味包括黑胡椒、蜜汁、韓式泡菜、泰式檸檬同蒜味。同場仲有無糖芒果乾等你選購。 |
| Booth ⟣ B10 — Elephant Cuppa | |
 |
大象杯憑住簡約嘅外表成功迷倒一眾鍾情極簡風嘅文青，鼓勵大家踏出環保嘅第一步☝。除咗輕巧、大容量、杯口寬易於清洗嘅實用設計，最令人為之心動嘅係顏值 100 份嘅粉嫩色系杯蓋！鍾意飲珍珠奶茶同穿搭嘅你，不妨帶走幾款杯蓋襯衫，水杯都可以成為時尚單品～
@elephantcuppa |
| Booth ⟣ B11 — 悅晨製菓 | |
 |
近期嘅全城熱話點少得薄荷朱古力！身為薄朱教徒嘅你絕對唔可以錯過悅晨製菓 Soleil et lune 用心研製嘅薄荷朱古力棉花糖、薄荷朱古力蛋白餅、薄荷朱古力可麗露等一系列薄朱甜品等你嚟試♡
@soleiletlune_hk |
| Booth ⟣ B12 — TooA | |
 |
真正嘅意式雪糕自由等 TooA 助你實現！皇牌產品 TooA MilanoPro 曾榮獲 iF 設計大獎以及 Red Dot 設計大獎，簡單旋鈕控制同無刀片設計適合不同年齡人士安全使用。只需要 8 分鐘，即可品嚐到美味嘅意式雪糕，更設有 8 種冷卻級別，打造不同 Gelato 質感，輕鬆製作出個人化嘅意式雪糕口感！Così delizioso～
@tooa.hk |
| Booth ⟣ C01 — Pennii Premium Popcorn <9 月 26-28 日限定> | |
 |
煲劇嘅最佳拍擋——爆谷！Pennii Premium Popcorn 推出焦糖、法國比利時朱古力、美國車打芝士、泰式冬陰功同金枕頭榴槤五款新奇口味顛覆你對爆谷嘅想像！而且 首創「爆谷+」概念，以非油炸技術製作輕盈健康嘅香脆爆谷，仲係 Gluten-free 㗎！ |
| Booth ⟣ C02 — Inner Origin x NSCOTHREEVEN | |
 |
Inner Origin x NSCOTHREEVEN 精品咖啡豆專門店為大家嚴選香港頂級鮮烘豆，無論你係喜歡花果清香 、堅果醇香 定係其他特色風味，都可以喺到搵到一款打動到你味蕾嘅咖啡豆！
@inneroriginhk |
| Booth ⟣ C03 — Kassic <9 月 26-28 日限定> | |
 |
Kássic 源自「Clássico」，傳遞著祝福與經典之美。品牌嘅創作靈感來自希臘女神中嘅彩虹使者，佢嘅故事象徵住連繫幸福與希望。Kassic 將呢份感覺注入設計中，將閃爍嘅珠飾串連成一件件溫婉淡雅嘅精緻飾物。
@kassic_accessories |
| Booth ⟣ C04 — Sharoma x Candy Bloom | |
  |
生活再忙都唔能夠忘記休息～等 sharoma.daily 嘅調香為你帶嚟一點儀式感，嚟 – 市集現場尋找令你 Feel Relaxed 嘅氣味！同攤仲有 Candy Bloom 以日本真花以及天然珠同水晶製作，獨一無二嘅首飾為你點綴日常穿搭！
@sharoma.daily |
| Booth ⟣ C05 — Shell We Bake <9 月 26-28 日限定> | |
 |
食一件外層微脆，內裡濕潤紮實嘅瑪德蓮，為生活加點甜吧！Shell We Bake 特別在於各種獨特口味嘅手工瑪德蓮，由可口嘅蜂蜜 、松露巴馬臣、桂花大紅袍，以至花旗參、櫻花蝦 等新奇口味，創造難忘嘅味覺體驗！
@shellwebake.hk |
| Booth ⟣ C06 — Heat Project | |
 |
Heat Project 賣嘅唔只係產品，更係對青年嘅肯定同支持～皆因Heat project 致力透過不同社企市集活動為雙待青年提供培訓同實習機會。今次 – 市集佢哋挑選咗幾款熱門港產產品，包括本土科研嘅太加奶、Mindful Sparks 氣泡茶、本地蠔菇等。
@Heat Project |
| Booth ⟣ C07 — Nestiee 燕南豐 | |
 |
香港新世代燕窩品牌 Nestiee 燕南豐，以現代簡約嘅設計同多元口味（如清甜冰糖、桂花花香）推出即食燕窩產品，打破「燕窩＝老派補品」嘅框架。嚴選來自印尼 TOP10% 嘅金絲燕窩，並以原樽密封燉製，為你呈現猶如媽媽喺屋企慢火細燉嘅溫暖滋味～
@nestiee.hk |
| Booth ⟣ C08 — YÜEN Mosaic | |
 |
匠心運用古羅馬經典藝術形式，創作馬賽克原石畫作，透過敲碎石材，將石粒一顆顆排列並嵌入畫中，成就出一副副「石破天荒」嘅作品。嵌入畫中嘅唔只係組成精緻圖案嘅石粒，更係 YUEN 阿元嘅手工和誠意！
@mosaic.o.yuen |
| Booth ⟣ C09 — Minthandmade <9 月 26-28 日限定> | |
 |
Minthandmadeshop 全人手製作各式各樣兼具美觀同實用性嘅袋，從布料選擇同版型設計，每一細節均充斥滿滿少女心，且緊貼時尚元素！以一雙巧手為你縫製出一個個獨一無二嘅手工袋。
@minthandmadeshop |
| Booth ⟣ C10 — sleepinthewaves | |
 |
erica 擅於將日常生活嘅點點滴滴，以及從貓咪身上獲取嘅療癒感，以帶點童趣玩味嘅簡約線條繪製成插畫，同時將自身對人際關系或生命等議題嘅想法浸入其中，一齊從畫作中感受 erica 嘅小小世界～
@sleepinthewaves |
| Booth ⟣ C11 — Walk & Talk DL Handmade Dog Wear <9 月 26-28 日限定> | |
 |
主人們帶毛孩去街街點少得一套又靚又耐用嘅頸圈同拖繩！Walk &Talk 嘅狗狗散步拖繩有超多顏色及款式畀大家選擇，而且以專業爬山繩編織技術製作，用起上嚟更堅固。除此之外，仲有其他寵物玩具同用品比你同主子盡情 Shopping～
@walk_and_talkdogs |
| Booth ⟣ C12 — Susu.beads <9 月 26-28 日限定> | |
 |
以精湛嘅穿珠技巧製作出一件又一件圖案複製嘅飾物，由可愛嘅小狗耳環、民族風圖騰、到栩栩如生嘅花花流蘇耳環，用一雙巧手令你睇見穿珠嘅無限可能！
@Susu.beads |
市集詳情
日期：2025 年 9 月 26-28 及 10 月 3-5 日 (一連兩週星期五、六、日，共 6 日)
時間：中午 12 時－晚上 10 時
地點：PMQ 元創方 地面廣場 (中環鴨巴甸街 35 號)
Instagram: @gelato_gather (https://www.instagram.com/gelato_gather/)
Comments are closed.