fbpx
Take a fresh look at your lifestyle.

預防黑頭的小幫手

0 367

我好怕去造facial 嘅其中一個原因, 就係怕針清黑頭

問題係, 就算你針清完, 冇耐佢哋又生番出嚟

咁你受嘅苦係白費的

話雖如此, 但如果啲黑頭生得好大, 好實, 又黑, 又凸的…..真的要忍痛去針清. 否則粒黑頭會綻大你毛孔的. 但清好之後, 有幾個方法可以令黑頭冇咁快形成. 我本身t-zone 位好油的, 毛孔相對大好多….我覺得以下方法幾work

 

Clarisonic 洗面機

早前已在blog 介紹過https://beautytalkhk.tk/clarisonic/

我覺得用咗佢之後, 黑頭出少咗好多. 相對嚟講, Hitachi hada carie (https://beautytalkhk.tk/hitachi-hada-crie/ )  有 “渡出”功效, 但對付黑頭這範疇, 係clarisonic 強啲…可能係超聲波 + 個擦毛 可以 “料”走毛孔的油脂. 而hitachi, 佢都可以清到殘餘的化妝品 + 渡入功能, 所以佢有佢嘅value.

 

紗巾洗面

 

自從用了eve lom 洗面後, 我才接觸到用紗巾洗面原來咁舒服同乾淨. 後來睇kelvin 老師的書, 他也有教, 洗面時用紗巾 “捽”吓t-zone 位, 會有效去黑頭的. 當然你用了clarisonic 洗面時, 就不要同時用紗巾了, 你2選1就好. 我多數係晚上落妝後用 clarisonic. 早上洗面用紗巾.

 

IPSA Refiner Tone Up Cream Clay

 

佢係一個有磨沙功能的clay mask. 敷10min 後, 你可以在有需要的位按幾吓才洗. 如受不了磨沙的威力, 直接洗走佢都得.

我皮膚偏薄, 要我成面磨, 真係頂唔住. 但只在鼻位作有限度的磨沙效果還不錯. 但自從用了clarisonic 後, 我都好少再用這磨沙膏了. 這只是給那些不打算買clarisonic 的朋友另一個選擇.

 

Cdp Deep Cleansing Oil

 

其實這產品幾年前一推出後, 我已即買. 佢係油油的, 配合佢哋嘅凹凸樽頭去按摩鼻位, 會有效容解黑頭. 有恆心的話, 隔天用 or 1星期用2-3次. 會令黑頭冇咁快型成的. 如不太大粒的黑頭都可以溶走. 太大太實, 都係要針清的了.

 

 

這product, 就算我有clarisonic 我都會用….因為它的功效跟磨沙膏不一樣….佢可以更深入毛孔去溶解油脂. 但是over use 的話, 會令皮膚變乾.

 

 

Kanebo Dew Superior Brush Cleanse Pen

我時時話, 1分錢1分貨, 同一類的product, 如$10 的值80分, 但$50 的值100分, 你會唔會比多5倍的價錢去換取這20分呢? 這是非常個人的選擇.

 

而這kanebo 的價格係cdp 的 1/3, 我覺得真係大同小異. 只係cdp 係油性, kanebo 的係乳液狀的. Cdp 係透過嘅凹凸樽頭去按摩, 而kanebo 就3超幼細的擦毛去帶走油脂.

這產品1星期用2次都夠了. 相比下, 佢用後感冇cdp 咁乾. 同樣都可以防止毛孔閉塞. 用咗之後, 第2朝起身, t-zone 位會冇平日咁油笠笠.

 

我覺得比分的話, cdp 跟kanebo 真的差不多……但係kanebo 平佢3倍….所以kanebo 勝了.

 

免費訂閱 BeautyTalk 美容及化妝品優惠