Creamy Mami Mami

上期介紹過離子導出導入機，但原來身邊有好多朋友都只是有興趣，實質買的卻不多。可能始終價錢唔平，又要做一輪research， 結果遲遲都未買。不如介紹這個入門版離子噴霧，等大家感受離子保濕的威力，才決定是否利用離子機做自家美容。

一直都很喜愛到美容院做 facial，又舒服又fancy，就像去了一個 Bangkok mini getaway break 似的 。不過自從小妹轉工後，忙到癲咗，無時間去美容院之餘仲爆埋 d 壓力瘡，超慘。搞不好辦法不如試吓自家 facial，於是做做 research，比較幾款美容器。市面上的美容器普遍分為兩種: 超聲波  和  離子。

在中學年代，我班的大小姐們總會有兩樣必備在書包：1) Body Shop 的梳  和 2) 面油紙。不算脂整吧，這只不過是梳整工具，難怪我校能培養出我們 'presentable' 的慣性。 但我相信而家已經唔興這些 'Vintage' 物品，而有些學校女生的必備卻是大眼仔公主李叉假眼睫毛之類東西‧‧‧ 說回來也不否認越大越脂整，雖則而家已經好少需要印面油，但始終都有一丁點情意結。不美包裝的已看不上眼…

日日坐 office , 冷氣超大風，儘管晨早個妝有幾靚，不出兩個鐘個面就感覺比 d 冷氣抽乾水咁，一乾又開始出油，印完就仲惡劣，又乾又裂連個妝都 break 埋，有時仲時運高遇著把口香過坑渠既男同事比佢問 『做咩咁 dry』，於是越攪越衰，呢個惡性循環相信不少 OL 都經歷過。 與其日日禁痛苦，不如治標又治本。呢支補濕噴霧，有埋 collagen，可以即時比皮膚充飢，骨膠原可以鞏固細胞組織，是一個急救恩物。

小女剛剛放左兩個悠長假期，去完日本再掃英鎊歐羅超低既倫敦巴黎，搞到軀殼強行返左黎但魂魄滯留異鄉。但始終工要返，網要上，係時候逐一介紹我既美容戰利品比姊妹參考掃貨。 正直炎夏，出街五分鐘，唔只個妝會溶，人都燶啦。雖則起身化妝都有搽幾層防曬打底，但係到左 lunch 就咩都無曬啦，點出街食飯喎。。。我響東京既藥局搵到呢支好野，50 度防曬噴霧，噴一噴印一印，又唔怕整花個妝，perfect !

較早前心血來潮，曬到一身古銅色。不過由於本身是『白底人』，古銅亦不出兩個月已完全退掉。衝動過後而家便要承擔責任，就是忍受陽光的朋友仔 --- 雀斑。 自認從來都不是美白的 fans，但雀斑實在是我的死敵。老實說，近這兩年不是靠我臨急抱佛腳狂做 facial ，我的皮膚也不會像回復了好幾年青春一樣。我不惜功本什麼光子魚子人參咩咩光學射頻的 facial 都做，唯獨激光打斑沒有，因為我怕結焦的感覺。不知是否因為皮膚本身好了，反而突顯了雀斑的存在 -_____-…