fbpx
Take a fresh look at your lifestyle.

像粉底的bb cream

0 298

BB Cream 越出越多…formula 越改越好. 

記得第一代嗰啲bb cream 嗎…都係得1隻色…仲係水泥色, 亦會較笠身. 如本身皮膚白, 又唔算油的人用都好ok 架….但如你偏黑 + 面油多…搽上去就會面如死灰 + 油淋淋. 

現在的bb cream, 不緊變得更像粉底, 可以有好多色揀….質地都薄透好多….就算係油性皮膚, 都可以揾到啱駛嘅牌子….最近, 連Revlon都推出了鑽石保濕BB Cream. 據說, 這些鑽石粉末可以增加透明感.

 

佢暫時只得兩隻色選擇, 用上面嘅效果, 絕對比以往水泥色嘅bb cream 來得自然, 而且幾薄貼.

(請見諒哦, 我的手跟面有很大的色差….所以兩隻bb cream我搽在面上都ok的, 但在手, 就會格格不入)

 

可見另外的bb cream 係偏灰的

改為差唔多份量spread 開. Revlon 的薄好多, 亦較貼

10月又是結婚的旺季….佢的確幫到我手喎….可知道接得新娘job, 晨早天未光就要冲出門….邊有時間去替自己化妝….但又唔可以成隻厲鬼咁走去嚇人….所以出門前, 我上點bb cream (令膚色亮麗 又造到防曬,  Revlon BB Cream 有SPF30 / PA+++), 搽點胭脂 + 畫條眼線…就出門….個樣會 “比較似番個人”.

 

看…造了1天, 晚上10點幾….都係幾ok的….我全天乜都冇補過. 覺得佢的確有透明感, 補濕力不錯, 但唔會笠.

仲有道好 ~ 佢平 ($148)….可知道有些新娘子的背炙生了瘡瘡, 我會先大範圍同佢上bb cream, 之後再用遮瑕膏遮; 咁防晒得嚟, 又可以令遮瑕嘅位冇咁一達達. (之前, 我係要先給她們搽防晒, 再搽濕粉…..家吓1枝搞掂晒…方便好多)

後話:

始終係bb cream, 唔係粉底…所以你要求完美嘅妝容, 當然係要用番正路嘅粉底為佳. 但你要快, 一枝乜都有啲…咁佢係不錯嘅選擇.