fbpx
Take a fresh look at your lifestyle.

Go Like Never Before

0 165

從小, 因手腳唔協調再加肥胖, 所以運動向來係我的死穴。

讀完書, 出嚟造嘢, 先發覺, 唔可以再係咁…。廿幾歲已有四十幾生埋仔但又收唔到身嗰啲體態

我並不是要aim for model 的figure, 自知骨架同能力都有限, 但總不要太難看

正如, 你出街, 你會穿戴整齊, 這是對人, 對自己的一份 “尊重”

一個healthy 的體格, 何常唔係對自己的一份 “尊重”

為了減肥, 我又怎會未試過食減肥藥or 各種餐單呢……但對於視食為hobby 的我, 只要停藥, 好快又肥番。

自此, 我就開始去gym造運動, 有啲class 如step, 我覺得好玩, 所以就可以堅持下來。 而體態亦得到改善。

有天, 我的健身教練提意我可以再比多啲考驗自己, 叫我練習跑10km馬拉松。雖然我造咗咁多年運動,但跑唔起的, 頂多跑1km 就斃命。 但練練吓, 又跑到喎…。所以已參加了兩年渣打和UNICEF 的10  km。 今年當然繼續參與, 希望未來, 仍會每年參與。

跑步的好, 係佢好快令你slim down, 而且唔駛好多錢 (不要再說, 你沒錢去gym, 所以不能造運動)。 你只要一對跑鞋, 就可以。 亦不需要 “就時間” ~ 只要你ready, 幾時都可以跑。 練跑的過程, 的確好辛苦, 但一對好的跑鞋, 會減輕你的 “辛苦”。

起初, 我都以為求其有對運動鞋就跑得 (為了靚, 我只係揀款)。 所以換來腳痛尤其係膝頭最痛。 得朋友和教練的指導, 我買啱鞋, 膝痛就冇再出現了。

我著開去跑or 去gym 的運動鞋都係底比較厚, 有小小踭的。 但今年, 教練就推介我著底更薄, 分了好多版塊的波鞋。 因更輕, 更貼腳, 亦更靈活。

因我時時去運動 (1星期造3-4次運動), 一對鞋只last 到6-9個月左右 (教練說, 她天天教堂, 3個月就要換一對)。 因就算冇表面傷痕, 但實質著住造咁耐運動, 佢哋已內傷, 所以對你腳部的保護會失去。

最近參與Skechers GObionic的跑步學堂, 學習正確的跑步知識, 訓練, 再試吓GObionic。

 

如傳統運動鞋的重量係10, 很多牌子今年出鞋底分版塊的新DESIGN 可以係5, 但Skechers GObionic 係3…。真係從來冇諗過一對鞋可以輕到咁。 正如學堂的導師說, 你平時跑小小, 可能唔會覺得一對鞋嘅重量對你有太大影響, 但當你跑得耐, 你就會知, 要越輕越好, 什至連襪都唔想著。

我係著開又厚又重的運動鞋嘅人, 的確, 開始時, 我會覺得, 新款鞋, 這麼輕薄, 真的可以造到保護加避震嗎? 經我多番體驗 ~ 係絕對冇問題的。 而它的 “耐力”, 亦不會因它輕身而減弱。 

導師亦說, 以往, 大家跑都係腳踭先著地, 現在則推行中掌落地, 這會enhance 到speed。 而腳掌有18塊主要的骨頭, GObionic的獨有鞋底18塊的區塊, 正正可以令你成隻腳都得到保護, 但又不失靈活性。 而且鞋頭比較闊, 所以可容許你的腳指有更佳的爪住地面, 令平衡力增加。

 隨此, 另外有導師教體能, 拉根, 熱身等動作, 都好受用……。hahaha…。我終於明白我為什麼跑唔快 ~ 正如教練說, 因我這懶人造得好少跨步練習…。只求到達終點, 不問時間…。。 (的確如此…。我有恆心keep 住跑, 但冇決心要挑戰半馬or 跑快啲)

 仲有…。營養師的一番話, 解開我的 “心結” ~ 我向來是位 “飯”婦人…。你可以唔比肉我食, 但飯, 總之係澱粉, 你一定要比我。

但看見我當醫生的表哥瘦身成功 (醫生教路, 實冇死la), 佢嘅秘訣只係晚上介澱粉…。非常簡單。

當我試晚上介澱粉…。就慘到無輪……。。明明食咗嘢, 但好唔 “實在”。 冇晒energy。 造運動嗰時, 更明顯…。真係見暈…連我教練都比我嚇親…。。我當時的感覺, 真係比食完好勁的減肥藥嘅負作用更嚴峻。 我教練見到, 都勸我收手, 因這方法唔啱我…。。actually, 我都係試咗1星期就宣佈放棄。

營養師說, 飯可以提供很多energy, 但calories 就相對低。 所以會keep you going。 說真的, 食番飯後, 我又回到正常體能。

其實, 跑步的過程, 撇開體能上的煎熬, 的確係件好事… 一邊跑, 一邊聽歌, 又看看四周的景色。 跑完出一身大汗, 皮膚好了, 體態好了, 又有quota 食嘢了。

別再錯過 BeautyTalk 美容及化妝品優惠,馬上訂閱「BeautyTalk電子報