其實, 好多年前開始, 已有用Jane Iredale, 因佢嘅base 非常補濕. 而認識到佢, 係因為佢成份天然, 不含油脂、不含滑石粉、不含化學染料、化學防腐劑及化學香料…就算皮膚敏感的人士都可以用. 我就係有位客人…佢對所有化妝品敏感, 唯獨對Jane Iredale可以安心使用.
而在網上看過Jane Iredale四合一礦物質奇幻粉餅 SPF 20 ~具蓋斑、粉底、蜜粉和物理性防曬效果 (即是在肌膚表層形成反光膜，以反射方式減少紫外線). 聞說這粉餅可以掉進水, 而不會溶掉…可以”冼”水…以特顯佢防水功能….是否可以成盒粉餅掉進水裡, 這點我不能證實 (因我唔捨得咁造)….但論防水性, 又不錯的: 因有天, 我上了這粉餅, 去鄉交的家替狗狗在戶外冲涼….汗流不斷, 又比狗狗淺起的水彈濕晒…..當中梗係有抹面抹汗 (我是印走啲水, 冇捽的)….啲粉尤其在鼻位, 有甩咗小小…但整體感覺都ok..冇乜浮 (其實, 我覺得, 化完妝後, 待一會, 面出小小油時, 個妝感更自然貼服喎).
另外Jane Iredale的化妝品, 就如上文提及: 敏感、油性及青春痘肌膚亦適用…這也得到證實. 因有幾天鼻側生了粒暗瘡; 如早上用普通粉底, 晚上落妝時, 會發覺粒瘡會谷大咗. 雖然Jane Iredale粉餅不會治療暗瘡, 但亦不會令問題惡化.
但老老實實…我真係好少就咁用粉餅…..因我皮膚偏乾, 而粉餅比碎粉厚重啲….所以就咁上, 我覺得又乾又厚亦好唔自然. 我, 都花了點功夫, 才研究到點上先靚:
DO’S
- 可以跟佢地YOUTUBE 的DEMO, 用礦物化妝掃打圈上, 再噴點HYDRATION SPRAY. 這會令妝容貼服自然很多
- 冇掃, 可以用質量好的棉朴上
- 最好make sure你塊面夠乾爽才上. 或先上啞緻妝感的BASE
- 如不上..我會略略用補濕spray噴吓個海棉朴，在沾啲粉上面（但切記, 只在一小角沾粉好了…始終, 佢唔係乾濕兩用的粉底; 沾過的位會起鏡面)
DON’T
- 我覺得就咁用佢哋粉餅附上的朴, 上得唔太貼和有啲厚
- 皮膚太濕, 太油, 唔落MATT FINISH 的BASE 就用佢…會卡粉, 不貼服
上圖係當皮膚又濕又油時, 上粉後拍下的
這粉餅是啞緻feel 的, 有中度遮瑕.
但我喜歡帶光彩的感覺, 所以上了粉後, 會再用光影粉提亮膚色. 而且我不會成塊面一個”厚度”….只會在鼻位厚 (毛孔大)…其他位會薄一點.
左: 只上粉餅
右: 上埋光影粉和其他彩妝產品