fbpx
Take a fresh look at your lifestyle.

2014 日本賞櫻之旅 ~ 購物篇 (1/3)

0 201

這篇要叫 “還是覺得你最好”

 

因以下所買的, 都係我以前介紹過, 這回要encore 的. 咁多年, 都係覺得佢哋好用, 亦未揾到代替品

QuisQuis Red Moon

我喜歡頭髮帶點深紅色, 但紅色係好唔 “come”的…好快會fade out, 成頭就變啡.

 

但時時用染髮劑都係唔好. 這隻 QiusQuis 有啲似hana, 啲色只可以LAST 到一個月; 佢只會慢慢FADE OUT, 跟住就會變回你原來嘅色. 亦唔會有條 “分界線” ~ 一段有色, 一段冇色. 而且佢一啲臭味都冇, 所以相信唔會太傷頭髮.

QuisQuis

這回細看, 才 “發現”佢有兩個造法 (以前, 我只會用方案1)

l   方案1: 淡紅色 ~ SHAMPOO 後, towel dry 頭髮, 用佢, 再梳順頭髮等5分鐘, 冲水就得

l   方案2: 多啲紅色 ~ 先上在乾頭髮, 待5分鐘, 用shampoo洗.再towel dry, 之後上多次, 又等5分鐘, 用清水洗

 

其實它的紅色…唔係好誇張的…只係在日光下, 你才看到頭髮上有些紅光而已 (如你的頭髮係深黑色, 可能效果冇咁明顯. 我天生的頭髮係啡色的.)

用完頭髮好滑的. 以前在日本, 好多藥妝店都有, 香港logon 都有…但家吓….揾了好多地方…最終只有在Tokyo Hands 揾到佢…我全部紅色掃晒 (一包都係6xx yen) + 幾包粉紅色的試試

 

其實佢仲有好多色, 如黑, 啡, 紫色之類

 

House of Rose ~ Herbal Energy Scalp Lotion

有時, 我頭皮會忽然間好痕….有時, 又會忽然生頭瘡….真係唔知點解. 但每逢有以上問題,這scalp lotion 都可以即時幫到手.

 

佢亦有效令頭髮強壯啲, 減少脫髮…..一啲都唔油唔笠. 洗完頭用就得. 用在乾頭髮上 (落在髮根位) 都得

 

其實 House of Rose 在台灣都有retail, 大家不一定要去日本先買得到.

 

 

Fancl Collagen

 

 

只係年頭去日本時, 買了半年份….但回來自己食, 又比啲朋友試, 真係所餘無幾….況且我覺得佢對我來說, 極work! 全身手腳都滑晒….所以這回encore, 大手買咗1年份量.

 

況且粉裝跟之前的丸裝比, 我覺得粉裝見效快, 又易食…只要早上mix 落杯咖啡就得.

 

雖然事隔4個月不到, 這趟去買, fancl 已改了formula + 轉了packing…但對我來說, 分別不大.

 

話說回來, 我都覺得人夾人的….我有些朋友feedback 就話冇乜大feel….所以嘛….自己啱咪買….有可能, 試過先買, 就冇買錯. 我向來係日本fancl collagen pills 的用家, 所以, 我一開始已夠膽買半年量. 如我冇食過, 頂多買3個月試吓先.