fbpx
Take a fresh look at your lifestyle.

2013 日本戰利品(二) ~ Kinka skincare

0 1,180

前年在會展一個beauty expo認識Kinka, 當時覺得佢好得意, 因所有嘢, 真係金箔造的. 當時, 有人demo 造mask, 真係成塊 金箔貼上面, 但夠時間, 按幾吓就溶晒入皮膚.

    Kinka skincare

以下係抄自 kinka 官網的介紹:

Kinka Cosmetic 來自日本的金箔製造商 Kinka(金華)乃日本最大的金箔製造廠,金箔自然產生的正離子能量有效中和皮膚表面的負離子,令肌膚保持穩定、讓天然礦物質分子直接滲透肌膚底層、將 老化因子和肌膚雜質帶離、促進細胞自我修護、活化肌膚、達至白皙健康的紅潤膚質。

 

我即場用過, 覺得好補濕, 就買了兩樣嘢回家

1)   係mini tester, 內有4塊金箔, 仲有啲serum 同cream 之類 (要$500以上)

2)   另一個係一個好大的gel mask. BA 話可以用上30次, 之後, 就用微波爐叮溶佢當serum 搽, 用到最後一滴. 當時賣差不多$1000

 

但係….如你有睇我blog, 我係冇介紹過佢…因我自覺踩咗地雷 ~ 一個又貴又大嘅地雷

 

先講mini tester set, 其實佢嘅serum 同cream 不錯的, 用完都幾滑, 但塊金箔真係好難貼得完整…好多時都係碎晒 (只得一片, 我貼得幾好, 所以當時即send相比都有買的朋友看看).造完mask 都幾滑, 但真係唔user friendly, 又貴, 所以我冇介紹佢.

 

Kinka skincare2

 


另外那聲稱可以用上30 次的mask, 係我這幾年來, 最大的 worst buy…..未撻到上面, 塊gel 已碎開….跟住我諗, 就值接跳去最last 嗰step, 溶咗佢當serum………真係想 (*&^$&^#%()*%…….邊得架, 一上面 (即凍番) 就會變回GEL, 只係貼在你面上, 不會吸收…….就係咁 $1000, 用唔到1次, 就冇咗.

 

但我都有諗, 係咪我自己用錯方法先會咁……但唔係, 朋友的經歷都係一樣……真係火都嚟埋……呃我這些婆仔血汗錢咁卑鄙, 我決定同佢絕交!

 

問心, 佢嘅SERUM 同CREAM 係幾好的, 但每件貨都要$5XX 以上…又唔係平……我嬲呀, 唔買呀!!!

 

 

這回去大板, 在關西機場入閘後的免稅店…見都佢……哇…….每件貨, 都係2500YEN 到3000YEN….比香港平一半 (香港的代理, 食水太深了吧)……咁咪可以FRIEND 番囉….所以我就即買佢嘅SERUM, TONER同CREAM. Serum, toner, foam 你都會見到好多金箔的, 但cream 則係白色, 見唔到金箔的

Kinka skincare3

再加一個用金箔造的HIGHLIGHT 碎粉. 這highlight 碎粉我當年都差啲買架,但香港賣 5xx, 我又唔捨得. 這回買到 (approx HKD2XX), 真係好開心…….因佢啲光, 在陽光下, bling 得好溫柔, 好靚.

Kinka skincare4

 

Kinka 的補濕力真係幾強架, 同埋佢的確可以令皮膚變得嫩白…….差不多HKD 2xx 一個item…..抵用呀!!! 下次去開大板, 必會再買.