fbpx
Take a fresh look at your lifestyle.

化妝師的叮嚀 ~ 新娘造型篇

0 595

我明白當準新娘去揀婚紗.晚裝時係幾咁興奮. 哇…咧件靚喎…嗰件又靚…租吓買吓…有啲大日子時..一天換8套 (或以上)….有需要嗎?

賓客不會記得你換咗邊幾套衫, 只會記得 “嗰日位新娘唔知走咗去邊”. 在大日子, 你就是忙著轉妝轉頭同換衫, 冇時間同朋友聚吓…冇時間影相…冇時間食嘢…仲成日比人催促…..一日就得個 “趕” 字…何苦.

Anita makeup tip1

我覺得最理想會是精選3套靚衫就好 : 婚紗. 褂. 晚裝…..如真的真的有很喜歡…頂多預多套晚妝送客時著. 多啲時間同朋友影吓相, SOCIAL 吓…開開心心過一晚.

說到妝.頭…化新娘妝 + set 頭, 要1.5 – 2小時. 因我哋每個step 都要造得好細緻 (化姐妹, 通常30分鐘就得). 底妝set得好, 是不會輕易脫妝的. 大家別以為清淡的妝就代表簡單….用色越少的妝, 越考化妝師的功力.

但你亦要留意..出門時, 通常在白天…有日光, 妝容不用太深. 但很多晚宴場地, 燈光都較暗, 晚妝亦會有很多顏色…所以晚妝會在對比度下多點功夫.

我覺得最美的新娘妝, 是ZING 給劉嘉玲化的….最靚的妝, 是要高貴清麗…就算20年後拿回來看, 都會覺得美麗….而唔係: 哇…我當年咁得人驚嘅!!!

ZING 教我們化新娘妝時, 比了幾大TIPS, 同大家說說:

1. 有些永恆色, 襯乜嘢膚色, 乜嘢衫都靚: 金. 啡. 灰 (白晢的新娘較合適). 黑(造聚位)

2. 唔好一套衫就換一個妝…藍色晚裝 + 藍色色眼影…轉綠色晚裝就綠色眼影. 唔係化妝師懶, 就算時間充足, 一晚又落又化…是新娘子的皮膚吃不消. 會脫妝的.

3. 亦唔好化到五顏六色, 造型奇特. 結婚唔同登台哦.

4. 我哋當然可以造出少少改動, 但不必要的大改…會令妝容變得很不乾淨.

5. 不要用太多閃粉…一來俗氣…二來, 在閃光燈下…會好像油光, 不好看.

6. 有些化妝師會覺得晚宴前為客人100%落妝, 再化, 這才有良心. ZING的意見是看情況而定. 如底妝仍是好好的, 不用多此一舉…只要落掉眼妝, 再化就好. 明明冇事, 落了又再化, 會令皮膚疲倦, 反而令底妝不再亮麗.

我覺得晚宴前再化 或 大touch up一次…晚宴期間只造適當的touch up. 反而用時間改吓髮型. 試想想…婚宴時, 都係影集體相多…相中新娘的眼影係乜嘢色, 真係唔多覺….但換了不同髮型就好覺. 況且轉妝換衫, 通常得15分鐘, 所以要好好利用時間.

至於頭飾, 真係隨你喜歡. 但我最愛用鮮花. 要買些不會離水即謝的花朵哦! 這你要預早同你的花店好好溝通.

by Anita Lo

化妝師的叮嚀 ~ 尋找化妝師篇

化妝師的叮嚀 ~ 新娘造型篇