礙於體質問題, 亦有遺傳, 我跟父王都係敏感底…每星期都會有不同狀況的皮膚敏感. 對我來說, 春.夏的狀況比較差. 也許春天濕氣重, 而夏天流汗多天氣熱….會令我的皮膚一吓就出疹….多數出在關節, 大腿內側和腰間. 初出時, 範圍不算大的, 但都頗癢…..只要一ar…就會源著你ar 過的地方迅速擴散.
當然, 擴散開的話, 只有用醫生的處方藥又食又搽先得….但如果初發, 就可以用市面抗敏感覺的產品. 因醫生的藥都有幾大負作用, 所以, 盡量我都會先用市面的產品.
最近試的AQ Bio Sanitizer body mist (https://beautytalk.com.hk/81361-2/) , 可以好快止到初起敏感覺的痕癢, 亦會令紅腫得到舒緩…這之前 都有介紹過. 這次, 就試了moogoo MSM 舒緩霜.
moogoo是來自澳洲的天然產品(主打係利用牛初乳的成份去製造產品), 無添加任何的化學成份, 而MSM 舒緩霜, 係適合有濕疹, 甚至有牛堅癬的人士都可以使用. 它可以消炎和有效舒緩不適, 並有強效補濕功能.
自從上次試AQ Bio Sanitizer 時, 咁啱出了一場大敏感…順手 “測試”到它的功能. 這次試用moogoo MSM 舒緩霜, 皮膚只有小敏感, 反而我父王就出了比較嚴重的…所以, 我們都試咗.
上: 父王的敏感
下: 我的小敏感
父王說, 搽了1小時左右, 所有症狀都消失 (但他是個超忍得手唔ar 的人….比我, 一早ar 咗; 所以相信這也是他比我見效的原因))
我呢…就只是零星在手腳起一些像被蚊叮過的疹子…我發覺如說到即時舒緩痕癢, AQ 會強啲…基本上, 我唔覺得moogoo 有即時止痕的功效. 但說到退掉敏感的紅腫 (令肌膚回復原狀), 則moogoo 勝. 佢基本上可以令腫塊消失….但我要1小時以上.
後來我試先噴 AQ 只痕, 再搽moogoo…..雙管齊下….效果超好:
上: day 1 影
下: day 4 影
- day1:這次係下巴有一片敏感….紅, 小小腫, 但幾痕的; 晚上搽了moogoo, 瞓到半夜, 都會覺得痕, 仲ar 了幾吓.
- day2: 早上, 啲紅散咗好多; 可是, 黃昏去咗跑步….搞咗4個鐘….個位比啲汗醃親, 又痕番…,.回家一看, 比初發時更紅, 好痕, 啲皮膚變咗沙紙咁; 我冲完涼就先噴咗…即時痕癢感少咗好多….跟住厚上moogoo (當天, 瞓到半夜只感覺有好少痕, 忍到唔ar)
- day3: 啲紅少咗啲….冇乜痕, 但皮膚仍是沙紙feel; 早晚都搽AQ + moogoo…..
- day 4: 紅退咗80%, 沙紙feel亦好咗60%. 有出去跑步, 出汗後, 皮膚冇變差
另外, 我貪靚, day 3 有化妝. 但我搽咗moogoo先上粉底….佢冇令粉底起屑; 落咗妝, 皮膚亦沒有變差.
身體會發疹的災區常會有點癢 (但皮膚未有紅腫)…我就即搽moogoo (以前會搽娥羅立英)…覺得moogoo 冇娥羅立英咁笠, 但都可以令皮膚強壯…只搽一兩晚….基本上一星期都能安全無疑. 價錢也大眾化, $175 /75g 有排用.