fbpx
Take a fresh look at your lifestyle.

2011 Sogo Thankful Week ~ RMK Loose powder set

0 195

我習慣帶一個粉餅在手袋, 方便出街時補吓妝. 但可能我粗魯 OR 手袋時時好多嘢, 所以個粉餅有時會裂開小小 ~ 裂咗嘅粉餅, 都冇浪費的, 咪用碎粉盒入好, 當碎粉用.

但我上個月先豪買咗La mer 的粉餅自用…..前兩天打開一看…..係前所未有嘅 “碎裂” (以前用別的牌子, 頂多角位有小小裂)….唔知係咪la mer 太過fine…佢基本上係自己變咗盒 “碎粉”…開嗰時跌到一地都係…..心痛死我!!! 睇住大拿拿幾百蚊跌落地, 但又 “執”唔番……好慘呀!!!


(睇吓佢碎得幾壯烈!!!)

晚上, 就跟我的私人 “申訴專員” 博士complain…..佢話: 櫬thankful week, 買盒RMK 的碎粉la…佢個盒嘅design係唔會 “陋” 粉架. 同埋你知我有幾多化妝品, 要我 “用得晒” 嘅, 必定係好好quality. 佢係我用晒又再買的product.

佢個盒碎粉盒嘅design, 我之前在blog 都介紹過, 只係我已有太多碎粉了, 所以我冇買. 見博士咁講, 我就走去買 (對, 有小小係為個盒, 買盒粉) ~ 同埋, 佢本身都係 “碎粉”…唔怕再 “粉身碎骨”la!

況且, 粉餅 VS 碎粉, 我係PREFER 碎粉的, 因我PREFER底妝越薄越好. 只係碎粉帶出街唔方便, 所以我先買粉餅. 這次, 1石2鳥 ~ 係碎粉, 但又帶到出街!

雖然佢個盒比一般嘅粉餅盒厚…..但又跟LA MER 的差唔得好多. 況且我用開大手袋, 絕對冇問題. 如有時用小手袋, 我就會帶TRAVEL SIZE的粉餅 (剛好, 這SET RMK 其中一個 “贈品” 就係小粉餅一個)


一set $390. 雖然佢寫original 係$582, 其實$390係正價買碎粉連盒的價錢, 另外就係嗰set travel size 的價值. 換言之, travel set 係送的. 啲嘢都好啱用架!

1. Toner
2. Makeup base
3. 粉餅連朴

p.s. 碎粉有分閃同唔閃. 博士就買閃的, 的確 rmk 碎粉的閃, 造得好靚, 就算毛孔大的人用了, 都頂得住 (博士的毛孔偏大的)

我就買唔閃的. 話唔閃, 但都有好小好小的閃, 唔係絕對啞色的. 我面大, 唔適合用閃的碎粉.