有喚膚.修護功能的skincare

近年, 在護膚品中, 好流行 “喚膚” ~ 唔係換膚哦, 但佢會好溫和地更生皮膚. 同“修補”皮膚 (無論係因年齡, 空氣污染, 陽光等, 對肌膚造成的傷害…都可以透過護膚用品來修護).

其實文字嘅嘢…睇吓大家點去present 唶….簡單啲嚟講 ~ 搽完, 皮膚好咗, 就得.

我近年都有用咗好幾樣 “喚膚 + 修補”功能嘅skin care….續1介紹吓 (按被寵幸嘅時間來排次序)

Triogy Rosehip Oil (approx $3xx)….佢嘅成份好天然, 連燒傷過的人都可以用. 最唔好係感覺好油…搽佢嘅感覺就如倒咗成枝橄欖油落面咁…但佢嘅修護功能又真的一絕…無論暴晒後, 坐完飛機乾到爆…佢都可以好快咁為你作出修護. 連暗瘡印都可以推得快啲.

但只合適在冬天或要急救時用….真的太油了.

Guerlain的白蘭花系列 ~ Orchidee Imperiale (approx $2,xxx), 尤其係佢嘅serum…真係令我愛到不得了….當年第一天用佢…一吓就被皮膚吸收了….但就冇特別即時效果 (當時, 心裡一沉….咁貴…冇feel 嘅…死得)….第二朝醒來….就嘩.嘩.嘩. 啲皮膚變得silky smooth….同非常緊緻….乜都值得了.

最good 係, 我從菲律賓潛完水回來, 啲乾紋就晒出嚟….回香港, 用番佢3.4天…就回複舊觀….好駛得….只係, 佢貴到呢……..係$2xxx 1枝. (cream都係差唔多嘅價錢)

埋踏入春季. 佢嘅serum 好薄身…仲係好啱用…但cream…我開始頂唔住佢嘅笠.

NARS 嘅EFA CREAM($700)…..佢初面市時, NARS 有派比vip member 試用…但就嚇怕咗我….哇…又油又笠…..免費都唔會要.

後來佢哋嘅stylist 嚟造化妝demo, 同我傾過…我先知, 我以前用嘅份量係太多, 所以笠….正確係用一粒綠豆咁上下就可以. 果然, 真係唔笠了 ~ 為咗唔駛吓吓都用GUERLAIN 咁大成本, 所以就買咗…用完皮膚都好咗, 有彈性啲 (但OVERALL EFFECT, 係GUERLAIN 好啲)…..早上用, 我都係覺得笠咗小小 (有時, 會溝埋acqua gel 嚟用).

EFA CREAM 有SERUM ($1,080)的 (係非常濃縮的EFA ~ EFA Night Infusion)….據說修補功能仲勁…就算晒傷了, 都會加速復原. 但兩樣咁笠嘅嘢放在一起 (我攞咗啲回家試用)…..加上近來的天氣都是笠笠的….所以我暫時不會考慮買入.

我講過我係SERUM 怪…最近發現Biotherm Source Therapie嘅serum ($390) 好好用. 佢都係sell 喚膚. 一搽完…又係吸得好快…皮膚即時變得好柔滑….用了1星期, 就覺得眼部的細紋平復咗以及膚色都都均勻咗……它給我的感覺好比guerlain 的白蘭花serum帶給我的驚喜…….但價錢係相差一大段 ($390 vs $2,xxx). 真係物超所值…令我驚喜 x 2.

佢只係serum, 所以搽咗佢, 我只在上面再補小小nars 嘅aqua gel…就好好…..真的造到潤而不笠. 由於佢造到即時令皮膚細滑嘅效果, 我試過妝前用佢嚟打底….粉底好貼面哦.

La MER the moisturizing lotion ($1,700), 係skincare 中嘅皇牌….在於佢珍貴嘅海洋成份…又係令肌膚得以修護. 雖然我都揀了相對較稀的lotion 嚟用….晚上用尚可接受….但早上用, 都係笠咗啲.

搽咗佢, 皮膚都好潤…而且好LASTING……效果跟GUERLAIN 的白蘭化系列差唔多….價錢都係差唔多….但覺得GUERLAIN 的質地比佢滑, 所以2選1…我會揀GUERLAIN.

後話:

我嘅護膚品, 都係mix and match ~ 我未試過成條line 用晒…..一來係不斷買新嘢試, 2 來, 我又覺得 x 嘅serum 好啲…y 嘅cream 較滑….加上每天嘅 “需要”唔同…所以我每晚寵幸嘅佳麗都唔同. 我都係我唔知咁啱唔啱….又係嗰句….自己感覺良好就得.