Cookaholic

上次lemon味蛋糕配cream cheese面，今次黎個黑蚊蚊嘅朱古力蛋糕配白雪雪嘅royal icing! 依隻frosting整完之後會好令面，會凝固。相對起，佢算係比較甜嘅frosting。所以唔好放太多係蛋糕面上呀~

依個蛋糕係用蒸嘅方法，平時多數都係焗蛋糕，蒸我都係第一次試。 原來蒸出黎嘅蛋糕個味道都okay咖，好中式生日蛋糕、雞蛋糕咁嘅味。 但我唔知係米我整得唔好，個口感比較實，冇焗出黎嘅cake咁鬆~ 但都算好好，幾得意~~

可樂滷水雞脾 繼上次個香脆燕麥雞脾後，再下一城，整個冇咁熱氣嘅~ 見到屋企有支滷水汁，仲要係可樂味！ 咁奇怪…唔試都唔得啦。

超級簡易﹣蜜汁叉燒 叉燒原來可以唔駛燒咖~~~ 只要你屋企有焗爐就可以日日有好美味嘅叉燒新鮮出爐！！ 依個食譜係親愛的嘅媽咪比我，真係好簡單、好易整~~　thank you auntie 我覺得自己整嘅叉燒真係健康Ｄ，因為全無色素，甜度又可以自己調較，又可以揀舊唔肥嘅肉焗~　夠晒自由度呀~

香炒蒜蓉羊角豆 好啦, 新食譜係時候要再黎啦!!! 我之前從未煮過同食過依種蔬菜, 感覺好特別!! 不過未必個個人都鍾意食咖…因為佢食落有d滑潺潺咁…我就真係麻麻, 但好似話「佢」好有益咖, 特別係對女性好好咖! 咁唯有間唔中食下啦! 哈哈 「依種蔬菜」就係… 秋葵/ 潺茄/ 羊角豆/ Lady Finger/ Okra