fbpx
Take a fresh look at your lifestyle.

Tatcha Indigo collection

0 187

Indigo 是一棵粉紅色的小花, 它有很強的抗炎能力, 並可以舒緩敏感的肌膚, 增強肌膚癒合能力. 提煉出來的粉末會變成灰藍色的, 日本古代的武士就是用它將棉布染色, 再製成戰衣. 如不幸受傷, 這件indigo 造的衣服就可以減低發炎的風險, 並有助傷口痊癒. 所以日本人會叫 indigo 的藍色造武士藍.

 所以, Tatcha 就在日本利用這最天然的成份造了1系3款的 Indigo Collection. 當中除了indigo為主要成份, 仲加入liquid silk, 提升滋養度, 並可形成一個保護膜, 加強保水力.

tatcha_indigo_02

 

左上: Indigo Soothing Renewal Treatment

左下: Indigo Silk Body Butter

右: Indigo Soothing Silk Hand Cream

一步入春天, 我就成了一隻吸濕大笨象….身體有說不出的唔舒服 ~ 如好易疲倦同手重腳重. 而面上的皮膚, 托賴, 冇乜事, 但手腳就好易敏感, 痕到死. 中醫就話我這是濕氣太重的關係.

 

但如敏感一發, 都係要先食西藥頂住佢, 有時衰起上嚟就要用類固醇. 得知indigo collection 可以抗敏, 什至可以代替類固醇 (但沒有負作用), 當然要試吓. 當然, 今年, 我仲早咗開始睇中醫, 相管齊下 (西藥, 非到必要時, 都係小食啲好)

 

Indigo Soothing Silk Hand Cream

特別適合敏感和化炎肌膚. 有濕疹都ok.

tatcha_indigo_04

 

用後感: 因時時接觸set 頭的chemical, 令我的手好多死皮. 加上濕重, 會令我手甩皮, 嚴重時就會長水泡, 好痕的. 搽了這hand cream 一兩天, 就發現死皮問題已冇得7788. 可能食咗中藥, 所以冇出水泡, 但有甩皮問題….但都係用了這cream 後, 得到明顯改善.

 

Indigo Silk Body Butter

功效都係跟hand cream 一樣, 這係為body 而設

 

用後感: 好好彩, 到家吓, 我未出現身體敏感 (出的時候, 會在手腳的關節位). 所以我唔知係indigo 為我control 住, 定係中藥都同時發揮緊功效. 不過皮膚的確變得好滑

 

Indigo Soothing Renewal Treatment

這product 的indigo 成份最強, 所以功效最勁, 面部都可以用. BA 說, 有些用更用佢來代替外用的類固醇膏….這點真的很AMAZING

 

 

用後感: 我只有講 ~ 超amazing ~ 好hard sell 都要講句: 居家旅行, 靠佢旁身.

 tatcha_indigo_01

case1: 係, 我塊面冇敏感, 但我近來造了件蠢到冇朋友, 的事 ~ 就係懶醒用了一塊在韓國買的綿花 ~ 我用了好耐, 但一直都冇事. 佢可以當磨沙布咁用, 我以往都係適可而止. 但案發當天, 因早上我化了一個濃妝, 晚上就失心瘋, 攞塊棉係咁省. 省完就知死la, 一上toner, 已喇到飛起, 第2朝塊面就 “鞋”咗…有啲位就氾紅….搽乜都喇…尤其造完運動, 比汗喇完, 紅得仲勁. 之後, 搽咗indigo兩天, 面就再冇比汗or toner 喇.

 

case 2: 近來操跑步長課, 因帶住check 心跳的meter 在心口, 時時磨損心口的皮膚….舊的未好, 新的又來, 就算消毒咗, 都有啲發炎…..自從我見到indigo 搽面幾work, 就試吓搽心口…結果隔晚傷口就收晒水…勁呀!

以前介紹過蝸牛精華, 都有不錯的傷口癒合力功效. 但跟indigo 比, indigo 仲多咗消炎的功效, 所以令傷口癒合得更快. 但托賴, 暫時未出暗瘡, 所以我唔知佢對暗瘡有冇效la.

 

indigo 的products 都係灰藍色的, 這都是天然的(佢本身的顏色). hand 同body 的product, 搽上身後, 唔會有任何色. 但Indigo Soothing Renewal Treatment 就會有淡淡的灰藍色 (其實你抹勻, 又唔會好覺眼)…但啲色唔會食入你皮膚…一洗就冇. 如你介意, 而你又要搽在面上, 那只是晚上用吧.

 

始終, 佢係for problem skin….當然, 佢冇乜負作用, 但如你皮膚回復正常, 你都係用番正常的face cream, 你會得到更 “貼題”的滋潤.

 

 

後話:

tatcha_indigo_03

現在Tatcha的產品後面都會有這sticker ~ 說明每售出1件產品, 他們就會sponsor 一些落後國家兒童, 1天上學所需的費用.

 

就如sticker 說 Beautiful faces, beautiful futures ~ 你扮靚的同時, 也給孩子們帶來希望.