木本序的中藥調經精油

生理期對於我來講係慘事
自第一次M, 我已有經痛量多 (真係會痛到嘔同暈, 唔係講笑)，頭暈胃痛發冷乜都齊

 

而家老咗，應該就快更年期添, 經痛係減輕左，量亦少咗。但係仲會發冷胃痛同腸痛

 

首先我係支持大家定期做婦科檢查；尤其是長期經痛，真係要make sure自己身體冇問題。我就有定期做，醫生話我係正常；應該係荷爾蒙影響，我先有呢啲問題。

因為經痛，我每次都要食醫生開的止痛藥；另加止腸胃抽筋藥。大概七八年前，有客人介紹我飲炒過嘅黑豆加甘草沖水 （經期前四五日開始飲，直至經期完成）。呢個簡單嘅飲品出奇地啱我，血塊少咗，暢順左， 經痛亦都減輕左。

其實我之前都食過白鳳丸，薑茶，當歸之類都冇乜功效。

所以而家我來經, 會冲定一大瓶當水飲；黑豆我就唔會自己炒，我就係現成買日本啲黑豆茶；至於甘草嘅份量係隨意。

另外, 真係唔到我唔相信老人家的話 ~ 少飲凍嘢 (經前都唔好飲咁多, 嚟經時就唔好飲). 我係偽鬼妹, 自細都唔buy 呢套, 凍飲係飛佛 (同埋反正有食止痛藥, 所以經痛止得到咪冇事). 但昨年開始減肥, 其中一個要求就係少食凍嘢, 多飲暖.熱水. 我就在不知不覺間, 介了凍飲的習慣. 果然, 腸胃好咗, 去到冬天, 好似冇咁怕冷添. 經痛有時唔食藥, 都頂得住 (都痛, 但忍得到)

另一個，係近排才試~經期前開始，每晚臨瞓前，用木本序的中藥調經精油按吓個肚。我自己好鍾意飲川芎白芷魚頭湯，呢隻精油就係有嗰隻味！佢成份有：當歸，川芎，薑同艾葉。我覺得肚風少咗，所以腸抽筋嘅情況大有改善。同埋佢個味好和暖，令我瞓得好咗（係我本身，好鍾意呢隻味 ）。我會按完肚，用手心嘅剩餘物資，按下條頸，唔好浪費

講開呢隻產品, 我又要share 吓, 幾年前, 去中醫造了半年針灸 + 熱敷療程. 先係在肚位落針, 之後敷一大層混合了中藥的熱泥. 嗰啲泥, 正正就係有木本序的中藥調經精油嗰啲藥味. 造完嗰次療程, 我的經痛問題都係減輕咗. 只係我後來懶, 冇恆心定期去造. 所以, 我覺得, 買樽油, 自己每天按吓個肚, 只要持之以恆, 一定有改善.

木本序係香港品牌你哋可以上去佢哋FB睇吓詳情。佢哋eshop 好多嘢賣

https://m.facebook.com/theprefacehk