我向來都覺得暗瘡貼麻麻…搽暗瘡藥咪仲快仲到point
我好多用過的朋友, 都話冇料到….這令我更加唔會買嚟試
但唯獨有位朋友, 佢堅稱話好得, 我去台灣時, 佢都有托我買 ~ 因台灣買平好多. 大概幾十蚊, 就有兩盒.
朋友話, 佢可以 “吸”到啲濃出嚟……我就諗 ~ 有冇咁勁呀…就咁貼就吸到?!
佢話: 唔係隔空取物咁吸, 要你同個瘡篤個小傷口, 啲濃先會出到……
在台灣時, 我去買嘢, 見老板娘日光日白都貼 (其實唔多覺眼的…係我同佢吹水時, face to face 先唔覺意見到) 我就問: 好用嗎? 佢都話: 超好。
咁我見平平哋, 自己都入1PACK 唔好洩. 回來後不久, 我就出了個小瘡…..真係忍唔住 git 咗佢…..但as usual, git 咗後 (我真係唔識git 的), 多數就會紅腫 + 飈水. 我都有即時搽暗瘡藥….但傷口啲水係咁流, 都冲走啲藥la!!! 咁我把心一橫, 就攞塊暗瘡貼 “封”住個口. 如是者, 過了1天, 傷口不但冇再發炎, 仲平復咗。
如你識得清暗瘡, 也許不用又搽藥, 又貼暗瘡貼……但我這人, 唔識git, 所以好多時, 冇切底清好, 就算, git 了第一次, 搽了暗瘡藥…好多時, 仲會在同一地點 “爆發”多一次…再git, 再搽藥先會好. 我覺得係要連 “底層的東西”都逼埋出嚟先會康復。
只試一次, 也許是撞彩…但如是者, 我都試咗幾次了….次次都work…所以我覺得雙劍合碧, 又搽又貼…1day 就會令瘡消滅冇番發….自己亦不用過份git 個瘡, 令傷口更難康復。
直得推薦給唔識git 暗瘡的人。
別再錯過 BeautyTalk 美容及化妝品優惠，馬上訂閱「BeautyTalk電子報」