話說新年前, 開始皮膚敏感 (這篇blog 都略有提過 http://www.tastyling.com/?p=6887), 這都係我每年的指定動作 ~ 入春會有皮膚敏感; 當然都加埋我喪造lacer treatment, 令皮膚底層超乾, 令抵抗力減弱, 都係誘因之一.
話到底, 我生在面上的敏感, 遠不及長在身上的敏感勁, 起碼不會又腫又痕. 只會有些少紅, 有好多粒粒, 同皮膚非常暗啞. 有圖為証 ~ 敏感時, 同正常時, 皮膚的質素差咗成個宇宙. 敏感時, 望落老咗n 年, 真係冇陰公架!
敏感時, 同冇敏感時, 皮膚質素真係差好遠
這段時間, 都會有一個好奇怪的後果, 就係搽好多貴cream都係唔多吸收咁. 反而最basic, 簡簡單單補水的, 效果更好.
但當時, 我維持咗好長時間, 都係唔生唔死咁…..所以把心一橫, 晚上成面搽tatcha 的indigo smoothing renewal treatment (以前的blog介紹過: http://www.tastyling.com/?p=6267 )….這產品真是我對抗敏感的好友…自上年發現佢嗰時, 就愛不惜手, 佢可以好快平復敏感症狀. 但以往, 我都只會搽身. 因BA 說, 佢唔潤的, 唔算係護膚品.
佢搽上面, 係帶灰色的, 雖然啲色唔會食落皮膚, 但望落都唔靚架, 所以晚上用好了. 搽咗第一晚, 啲敏感症狀都好咗好多, 如是者, 我搽了3晚都好咗8899.
另外, TATCHA 啱啱出咗INDIGO 的洗面粉….這個就超讚….洗完塊面又潤又滑, 好似有層保護膜咁. 我之前都有用TATCHA 的洗面粉 (白色那隻 classic rice enzyme powder, 都係在blog 介紹過: http://www.tastyling.com/?p=2808 ), 本以為佢已好溫和, 但INDIGO 的更溫和, 更啱敏感中的人.
但早上就唔會用INDIGO SOOTHING RENEWAL TREATMENT, 我會用AVENE Cicalfate Repair Cream (佢都係有抗敏感的功效); 本身的質感有啲杰, 我主要搽在面珠重敏感的位置. 之後, 就按需要, 再補小小蝸牛面霜 (因為蝸牛面霜的補水力強啲). 早上搽AVENE, 到晚上回家, 都會發覺啲敏感續漸散咁啲; 附帶一提, 佢都好似同皮膚造咗個屏障咁, 可以keep 住啲水份, 但如果你化妝, 佢唔會kik 粉的.
如果要比TACHA INDIO 同 avene 的舒緩敏感的功效 ~ tacha 強同快啲. 但avene 就會有滋潤和護膚的功效, 況且佢冇色, 用咗上妝都ok. 所以, tacha 晚上用, 而avene 就早上用, 就good fit.
另外仲有個抗敏的小小分享:
就係睇開我blog 的人, 都知到, 我會去潛水, 但每次潛水後, 皮膚例必出乾紋同敏感. 因整天比太陽曬, 又比海水浸, 對皮膚的傷害度很大.
這次出trip, 回來, 我只有小小敏感 (局限在面珠位). 回香港後, 用了兩晚tatcha 已搞點. 基本上, 皮膚不太乾.
我這回帶了tonly moly 的蝸牛Intense Care Snail Pack ( 之前blog 都有介紹: http://www.tastyling.com/?p=2769 ), 但當cream 搽. 中場休息時, 就厚上. 這的確有效修補日光對我的傷害.
晚上就搽 avene, 之後, 再補多層Intense Care Snail Pack才瞓; 兩者夾攻下, 效果不錯
只係之後坐了很長的飛機, 空氣超乾, 面珠位乾到敏感. 當時已搽了幾趟 avene, 只係止咗啲痕癢感, 但皮膚都係好乾同暗啞. 但回家搽番tacha 就掂晒
