fbpx
Take a fresh look at your lifestyle.

Ageless 收眼袋神奇cream

0 775

幾星期, fb 都被 ageless 條試用片炸咗…..真係睇到人好心動

ageless_03

我係遺傳了父母的 “董建華”式超大 + dum + 腫眼袋….心裡很不爽! 亦因為年紀越大, 眼袋越大….真係令人心傷. 見到這產品, 當場兩眼發光, 人生充滿希望.

 

亦因為要影pre-wedding, 諗住死都要班一枝救亡. 係, 就算市面賣到 $40 枝, 我都諗住, 死就死la!!! 但好好彩, 同閨蜜mama 講起, 佢原來問朋友讓了兩枝試用…我打劫咗佢1枝 (仲要唔比錢!)

 

其實攞貨當天, 另一閨蜜 ~ 博士都在….佢個眼袋係驚天地泣鬼神之作, 所以即捉佢造白老鼠 ~ 的確, 幾分鐘內, 眼袋縮細咗好多…博士說, 一搽上去, 就覺得有嘢拉扯住個眼袋咁…之後, 啲cream 乾咗, 就好似有層薄膜在皮膚上. 博士話這產品有啲乾; 而第2日, 佢話對這產品有小小敏感, 皮膚有啲痕 .

 

我就在影pre-wedding 前幾天 (免得到時用,出敏感就大鑊), 試咗一次. 在乾淨的皮膚上, 搽咗小小. 的確即時有拉緊的感覺. 佢乾咗, 真的好似有粉粉地嘅膜張住啲皮膚 (不難受的, 摸落去仲幾滑). 可能我老了, 感覺上幾乾, 笑起上嚟有啲乾紋. 但董建華眼袋, 的確有點改善

 

之後上粉就大鑊啲…我都唔知係未乾晒 (因我待了5分鐘左右就上粉) , 非常kik 粉, 有積的…同apply 過cream 的邊界位遇濕粉會起屑. 我用綿pok 推走啲屑or 起積位 ~ 有難度, 因為有啲食得幾實. 之後在上多次粉, 先可以. 雖然咁捽法, 眼袋都比未用前firm 啲….但唔知係咪我捽走啲成份, 基本上2-3小時就打回完型 (不過,如big day, 佢頂得2-3小時, 又唔夠用la). 不過, 我冇任何敏感反應.

 

所以, 為免kik 粉加多我補妝的功夫 + 反正pre-wedding, 冇人見到我真身 + 執相有阿婆變少女的photoshop…..所以, 我影pre-wedding 當天冇用佢.

 

之後, 我心不死, 試吓點用先唔kik 粉

 

搽咗佢, 等咗起碼1小時才化妝

  1. 的確, kik 粉比待5分鐘就化妝好好多……..但都…..可能平常人唔覺, 但作為化妝師, 我好覺眼下位有好多積, 極不瀟灑.
  2. 同埋易出乾紋都係問題. (人家鬼知你嗰啲係乾紋定皺紋, 但有紋就當你老)

 

直接搽在已上妝的眼袋位

這吓仲大鑊! 就算我好輕咁印, 啲粉即時甩到一達達…簡直唔知點埋尾!

 

搽咗ageless, 待乾, 再搽啲eye cream 先上妝

咁最唔kik. 但收眼袋效果話咁快就消失.

 

Before
ageless_02

我這騙子, 平時影相梗係3/7面, 好少正面影. 好難先揾到張冇化妝, 又幾 “正面”嘅相 ~ 不過就跟 after 嘅表情有啲唔同…笑得好勁, 所以眼袋都git 得勁啲 (你哋幻想吓, 我微笑嘅樣). 但我的眼袋close up的正面唔算太差, 但如3/7 就見到幾凸

 

After

ageless_01

 

正面睇, 真係好大改善……..但右下張相…就影到好kik 粉……(我已在化妝時, 盡量推走啲積)

 

我這文盲, 冇乜睇說明書, 可能MISS OUT 咗點用佢嘅真方法. 我都係聽人 “口術”用法. 如你哋work out 到用法, 而上妝唔起渣, 補妝用佢又不會落走啲粉…話我知ya, 唔該.

 

我亦有問過一位朋友, 她在美國是有名blogger. 但她說未有聽過這牌子的產品. 但的確, 她說model 在back stage 有用類似的產品去收眼袋 ~ 但係有 “痔瘡”膏的成份! 其實我又係文盲again……..我有略略睇過啲成份, 但都唔知係乜

 

會唔會回購? 我怕洩底….朋友買開, 我有搭單…..想big day 時, 自用+ 比親友姐妹用 ~ 如到時work out 到點上妝唔kik 粉的話

 

如研究唔到…咪平時, 唔上妝嗰時, 哽晒佢 ~ 反正真的可以暫時收眼袋.