fbpx
Take a fresh look at your lifestyle.

cdp la creme

0 358

這可是我買的skincare 中, 最頂級貴的產品….但當年, 我唔係第一眼就愛上它

雖然敗家係我的 “興趣”, 但奈何冇強大的財力; 所以, 我唔會無la la 走去買貴嘢…除非, 係身邊的朋友強烈推介, 而我又見到佢哋用咗變靚啲….之後, 就係女人的 “妒忌”心 ~ “唔可以比佢靚過我” 的 “推動”吓, 先會去買.

接觸到cdp 的la creme, 係sogo thankful weeks 時, 買夠數, 在gift set 裡, 會有一小瓶 (只有2ml)….雖然BA多番強調佢係好嘢…但講真, 嗰 d d….你又試得幾真呢…..所以初次接觸, 我覺得佢冇乜feel 架.

直到有天博士同我講: 佢可以好快暗瘡印, 好嘢嚟架……我先 “掘”番起其他 “SAMPLES” 嚟試……..這回, 就只搽暗瘡印 ~ 面積不大, 所以 samples 嗰 dd, 都可以用到好幾天…….果然….啲印去得好快.

但冇理由買瓶幾千蚊的creme 搽暗瘡印係咪呀?! 後來博士又話…你試吓成面用, 用1星期…真係滑到你唔信….反正都有幾粒samples, 就照用……果然, 滑到螞蟻爬上面都會 “冼”落嚟 (hahaha, 有啲誇….但的確好滑架)…….but 都係貴嘛……

我這cheap 人, 一係就襯sogo thankful weeks 時才入cdp (貪有多啲gifts); 一係就托上托, 找在DFS 造的朋友入貨, 雖然冇Gift, 但就有discount. 有天DFS朋友話cdp la creme + eye creme 有set 裝….維起係正價的30%有多 ~ 實在太誘惑了…就係咁, 我入了人生中第一瓶 cdp la creme (貨size 有30ml).

cdp_01

窮, 始終係我最大的問題….所以, cdp la creme 唔係天天用的…..係sos 才用 (ps, 只會晚上才用, 無他 ~ 價錢問題):

  • 如曬得好甘, 搭完飛機好乾…用1-2天…基本上皮膚就回復正常, 又滑又亮
  • 我好喜歡造光學美容, 每次造完, 都會用佢3-4天……以往, 頭幾天, 就算敷咗mask, 都好易有缺水紋. 但用了cdp, 就唔會有.
  • 我已造了3次doublo; 第一次時, 沒有用…只係搽蝸牛精華同敷mask + 用別的滋潤產品…乾爆的感覺都維持了1星期. 但第2,3次, 之後即時用cdp la creme (連續1星期-10天)….就算敷得好少mask, 都冇乜乾的感覺.
  • 當然, 我之前爆烏咀狗瘡時, 真係用唔到 cdp la creme 去印……..總之一用, 就會再起石頭瘡. 但如 “正常”嗰啲暗瘡 ~ 即經前在面上出嗰一兩粒….只要清乾淨啲膿, 再用cdp 5-7天….啲印會去得7788
  • 如偶爾覺得皮膚不在狀態, 就會用3-4天, 補補佢

 

雖然我真的同cdp 好夾…但我亦聽到好多朋友對佢冇feel, 甚至會敏感. 況且佢真的好貴….所以, 我奉勸大家, 如從來未用過, 唔好一嘢大手入貨…..真係買小小, 攞啲samples 試吓….用過好, 先買貨size.