Cle De Peau ~ Brightening Serum Supreme

這CDP是博士的好介紹. 佢先買嚟用, 跟手就跟我講, 皮膚好快變得有光彩得嚟, 又嫩滑.

又係為咗 “唔可以比佢靚過我”, 就算已用n 枝serum, 都走去 cdp “研究” 吓. 一枝$1350, 用到1個月. 不算平la, 但又學朋友話, 以cdp 的product 來說, 亦不算貴. 就係咁, 我就一買兩枝 (因買夠$2800, 有成set travel set 送; 所以我咪買埋佢哋嘅朴 “到數” 囉)

 

買咗, 都用了大半個月, 我一直冇介紹, 因為最主要係, 我都冇暴曬過, 所以我未能真正體驗到佢嘅美白功能. 但的確, 皮膚變得有光彩同嫩滑…..but之前介紹過好多serum 都造到……所以真的沒有什麼可以跟大家share.

 

直至上星期, 我去咗菲律賓潛水……唔駛問…..曬到眼都睜唔開… 回來我不得不概嘆這serum 的威力……我可以說, 係用美白serum 以來, 佢絕對係best of the best.

 

但我先得提一提, 去到潛水, 係好曬, 但我冇帶cdp 去, 亦冇敷過mask.

1)   我有造防曬的. 亦不會大字型嘆在beach 曬太陽

2)   有陰頂, 我會走去避吓. 如果冇, 我亦不會太介意. 一切正常處理.

3)   一天潛3次, 上嚟冲過身不久又跳入海. 我唔會上cdp 咁貴嘅skincare. 我只會草草搽點rosehip oil (佢可以滋潤皮膚, 又可以防曬傷).

4)   晚上冲完涼, 只再上點menard 的綠水　＋　rosehip oil 就算

 

我這回的skincare 造得咁求其, 係我去之前, 連執行李的時間都冇, 所以只係求其pack 幾樣. 況且, 自己知自己事, 以往每天潛完後, 我已累得即時揾周公, 帶去的mask 通常都冇乜用, 所以帶枝rosehip oil + 綠水就算.

 

以往潛水後, 我都有3大後遺症

1)   皮膚好乾, 出咗好多乾紋. 人睇落老咗10年

2)   雀斑出嚟say hallo

3)   我不會變黑, 但會變黃

 

 

這趟回來後 (我4月1晚才回來), 我細看, amazing ~

1)   乾紋 ~ 冇. 這應是rosehip oil的威力

2)   雀斑 ~ 冇.

3)   變黃 ~ 好少. 係以往的 10%

 

我旅行的嗰幾天都冇用過美白產品. 所以我相信這是之前用cdp 給我打好底….所以曬足咁多天都冇乜事.

 

回到香港後, 我梗係即時用cdp + 敷了一次我最愛的sofina 美白mask. 那少少的黃氣已即時冇晒.

 

回來後第2天, 見到朋友, 佢哋個個都問: 你真係去咗潛水? 你冇變到嘅? 仲係咁白. 所以我怎不可以封cdp best of the best 呢.