fbpx
Take a fresh look at your lifestyle.

CLIO TINTED TATTOO Kill Brow

0 260

個blog 應該封塵了…本來2015元旦想出這篇, 但真係忙到冇時間寫; 希望2016 我會寫番多啲blog ~ 希望

上年年尾, 去咗韓國一轉, 主要係跟跑會同學一齊柴娃娃去參加春川馬拉松….但當時我為保有命結到婚, 所以係同學跟我家的熊貓跑全馬, 我就係咁兒跑個10k算; 豪無壓力. 好在….好在係跑10k (都好鬼多上落斜….) 全馬的上落斜更多, 真係好攞命…加上當天好暖又曬….所以跑得更吃力…..我…就算跑完, 在路邊樹蔭底等同學們回來, 都可以曬到兩節色.

 

不過, 當時的紅葉好靚…加上同學仔都好好玩, 所以成個trip 都開心到不得了. 本來諗住有咁多個同學幫手比啲行李quota 我…我買乜都得la…..但回來時, 我都唔相信自己…..我的行李都冇爆, 得嗰1x kg……

 

因這趟行程, 雖然都有購物時間, 但我真係冇乜嘢想買 ~ 都係幫朋友買多…..自己只係在機場check in 後, 買咗啲masks (都係2包only). 而在明洞….行足兩天, 亦只係買咗clio 的眉筆兩set 同一盒balina co 的cream (遲啲介紹)

clio_01

我買佢, 都係人為明星效應(當然睇佢嘅名, 都好價勢堂) + gift set 有多啲嘢送. 一盒送了幾枝眼線筆, 一盒就送了long lasting 的唇彩筆.

clio_02

上: 唇筆, 唇gloss

下: 眉gel, 眉筆

 

亦係因為對佢marker 般的筆頭好好奇 ~ 其實你點大力畫, 佢都唔會太深色 ~ 一般有充足眉毛的女仔, 可以用佢補一補色…如冇眉娘或你要靠畫眉去改眉型, 佢則唔夠力的. 但另一端的眉gel, 顏色靚, 亦夠力gel 起啲眉毛.

 

我知道, 唔應該用眉gel “hide” 落啲肉到…眉gel 只係用嚟tune 眉色同順番啲毛; 因marker 唔夠強改眉型, 我致使用眉掃hide 咗啲gel, 當眉膏用, 又ok 喎…冇kik, 畫得幾順添…

 

用marker 嗰邊畫埋眉頭都夠soft….手殘唔識控制力度都冇問題

 

不過…再上一次我去韓國時, 大手買咗幾枝clio 的eyeliner pen….發覺佢哋雖然long lasting, 又快乾….但連枝筆都好快乾 (就算冇乜用, 佢自己一個多月就乾掉, 成枝唔要得). 我唔知係我嘅問題, 定係枝筆嘅問題 (但我用日本出的EYLINER PEN 又唔會有這問題. 這回, 都覺得眉MARKER 嗰邊都有 “自乾”的跡象….但so far, 都仲用得嘅.

 

至於附送的long lasting lipstick….又係marker 狀 + 另一段係gloss 狀. 係好lasting, 唔算太乾; 雖然gloss 嗰邊冇唇膏的 “臘”味….但有種甜得嚟有帶小小苦的味道, 不過待gloss 乾咁啲, 隻味會消失.

clio_03

note: 眉亦係用clio tinted tattoo 畫的

總括嚟講, 你貪得意都可以咪嚟玩吓….眉GEL 嗰PART 幾好….但MARKER 嗰PART, 真係GIMIC 嘢.