Dr Andrew Weil for Origins
Origins 的skincare 有好多條line, 當中 Dr Weil的 “青春無敵菇類複合物”非常受歡迎. 現在Dr Weil 跟Origins 再次合作, 推出 “極亮明肌系列” 5件產品: cleanser, treatment lotion, serum, moisturizer and UV protector. 我先試咗Mega Bright Skin Illuminating UV protector 確實有點驚喜, 所以就決定試埋其他.
其實這也算是名牌效應, 你買化妝品又好, 護膚品又好, 如serve 你的BA 自己皮膚好, 化妝又好, 我相信你都會 “信” 佢多啲. 話晒有 “人版”看看. 所以看見Dr Weil, 佢在世界的知名度多高, 不用我說, 看佢本身, 一把年紀, 但皮膚充滿光彩, 你怎會唔相信佢的護膚之道係work 的.
現在的人, 大多都對護膚有一定知識. 知道, 紫外線, 壓力, 疲勞等刺激, 會令皮膚變差; 色斑, 老化, 敏感問題就會出現. Dr Weil 將這些問題, 統稱為“炎症”. “極亮明肌系列”的主要成份, 係用上King of Vitamin C ~ Rosa Roxburghii, 有效擊退炎症, 令皮膚亮白, 散發健康光彩. 所有產品都有一股好清新又relaxing的橙味 (係本人最愛的香味之一). 產品特質都係好水潤清爽, 吸收力極好. 最啱怕笠的人.
看serum + moisturizer 都係薄身的
好多人都會覺得笠啲 = 潤啲…..其實未必的. 現在好多大品牌, 同一條line,都會有rich 啲 or 爽啲的cream. 功效一樣, 只係搽上面的感覺不同. 適合唔同需要的人. 所以, “極亮明肌系列”就算唔笠, 我都覺得佢好潤.
啱啱造完lacer facial (我這回造的是combo, 即深層斑 + 淺層斑 一齊打, 會有點結焦的). 打完皮膚就像被暴曬過咁….就如Dr Weil 說的炎症la……在皮膚咁upset 的時候, 要用點溫和嘅product補水， 亦要用美白的產品去keep 住成果.
我以往都時時說, 多數美白的產品都唔夠潤的, 當中, 如有vitamin C, 雖然用咗對皮膚好, 但可能我係敏感型, 啱啱搽嗰時, 會有啲吉的. 如造了lacer facial, 在皮膚最upset 時用….會更吉! 這回, 成條 “極亮明肌系列” 用, 不只唔覺得有任何不適, 仲覺得好補水同潤澤. 所以, 我想皮膚敏感人士都可以一試. 當中, 最得我心的係:
Mega Bright Skin Illuminating Treatment Lotion ($310)
洗面後, 我會用大量的 treatment lotion 濕透化妝綿, 抹了全面, 就敷在面珠位一會才上serum. 覺得這對消除lacer 後的紅腫很有效. 就算你冇造過lacer, 但用上這種補水力咁強的treatment lotion 敷面, 都可令你皮膚水份即時提升.
如化妝前, 你有時間, 都可以用treatment lotion 敷一陣, 會有助底妝更貼面.
Mega Bright Skin Illuminating Serum ($510)
而serum 係有小小閃的, 就如早前我介紹過的 origins ginzing eye cream , 本身的功效好, 但添了適當的亮彩, 可以即時趕走灰暗. 以速度治咗標先, 再慢慢治本….啱晒心急人我.
我亦有將serum mix 落粉底嘅習慣, 這可以提升粉底的貼服度 ~ Mega Bright serum mix 粉底的效果不錯. 由於佢有抗氧化功能, 如你用開的粉底日中會因氧化變得暗啞, 你不防用mega bright serum 去mix 吓, 會有改善的.
如你有眼部位置很乾, 上妝後好快出乾紋….用上mix 了serum 的粉底, 都會有改善. (當然你妝前都要落好護膚品打底).
看, 這妝化了大半天, 冇補過….都ok 的.
後話:
唔係隻隻護膚品都可以同化妝品mix嚟用架 ~
- 唔好話有啲cream or serum 令底妝起屑, 就算係toner…有啲敷咗面唔洗的話就會令底妝起屑
- Serum, cream 太笠, 就會令個妝溶得更快.
- 有啲cream 同serum 根本不可以同foundation mix得埋
