Etude House Tint My Brows Gel (03 灰啡)
我閒時也喜歡看看別人的fb, 也是跟住大眾的潮流去….近日真係好多post 自己用咗etude house 的染眉gel 後的小虎look 上fb……我都好好奇, 上個月入咗枝03色試吓 (全系有3色, 01: 深啡, 02: 淺啡, 03: 灰啡).
其實我本身的眉毛夠多, 素顏時唔畫都ok, 唔會係冇眉娘. 如化妝時, 就當然會畫吓, 因我有高低眉的問題, 要略略修正吓, 另外就是令眉型醒神啲.
我有朋友用咗這染眉gel, 佢話, 已經搽咗幾次色, 再”敷”佢overnight, 但礙於佢時時化妝, 會用落妝水….所以啲眉色只可以last 到3-4天.
我試咗之後, 有以下感覺 (我都係塗幾遍+敷過夜):
狀況: 沒有修眉, 眉型比較粗;
希望用畫眉gel 達到的效果:我想改吓眉型, 畫得高啲直啲
- 係改唔到眉型的…因啲色只會造到一個 “印”, 唔夠力度造到一個清晰的眉型
狀況: 修眉後, 眉型整齊 (其實唔畫都得)
希望用畫眉gel 達到的效果: 只係加強眉色, 所以就用 “填顏色”的方法, 成條眉按本身眉型填上顏色
- 整條眉好似啱啱畫完一樣, 效果幾好
其他:
- 雖然選了灰啡, 對我來說, 都係唔夠灰
- 這幾天, 我冇化過妝, 所以就算晚上我用落妝水抹就啲sun block, 我都避開條眉. 但礙於我用face oil + 其他skincare 都係比較rich, 效果就如落妝油….所以啲眉色都係頂到3-4天
- 我去造運動, 出好多汗; 抹汗時都會hide 到啲色在毛巾上. 但基本上, 頭幾天, 甩極都有色的.
總結:
好處:
- 唔識畫眉, 都唔會太出事, 因為深極都係得個”印”…夠柔和
- 出汗都唔會甩晒
- 我冇敏感. 就算蔑甩啲尾gel 嗰時, 都唔會痛的.
壞處:
- 應該唔夠力改眉型. (如改左右不對稱, 小小應該得, 但大改就唔夠力)
- 如冇眉娘, 亦唔夠力畫出一個清晰的眉型
如果你問我買唔買得過…….我會答, 視乎你想要啲乜; 如你好似我咁, 修好眉, 眉型ok, 基本上眉毛只係唔夠密, 可以買枝玩吓.
但如果你要靠佢畫條清晰眉型, 本身又冇乜眉毛….咁就唔好浪費金錢
Etude House Tinit My Brows Gel (03 灰啡)
