之前, 出席了Evie Beauté的發報會, 特別有兩件產品, 試了之後, 令我非常驚嘆, 一定要介紹一吓.
先係主角: Rose Hydramist Toning Water Mini淨白玫瑰美肌花水（別注版）
玫瑰花水對很多女士來說並不陌生, 亦是大愛的產品, 貪佢氣味迷人, 可以即時補濕, 亦係補妝時的好幫手. 而一般人都知道, 花水係造精油時的負產品而已. 但Evie Beauté 的玫瑰花水矜貴之處, 是他們係直接用玫瑰花造花水, 並不是負產品. 而且多數產商只會蒸餾一次, 而Evie Beauté則採用雙重蒸餾法將鮮花的活性成份徹底釋放. 所以不單香味係好純, lasting, 養份亦常濃縮.
這次的別注版, 則一滴蘊藏9000片白玫瑰花瓣的精萃 (夠奢華吧!), 可以同時造到補濕和美白, 成份直達肌底; 真的非一般的花水!
跟掌門人傾了很久, 她特別介紹了Glow On Intense Hydrating Activator (肌底液)
肌底液對我來說, 就是用serum 前的產品, 它可以將serum 的營養迅速帶到肌底, 令護膚效果更快更明顯.
但我不知道的是Glow On Intense Hydrating Activator 的功能, 會如此強勁:
- 掌門人先將facial oil 滴在我們的左右手的手背. 推開後, 有點油油的.
- 之後, 一隻手即時噴上花水; 一隻手則塗上Glow On Intense Hydrating Activator
- 如沒有比較下, 我會覺得噴上花水後的感覺, 已大大減掉油膩感 (這亦是我常用減少face oil 油膩感的方法); 但搽了Glow On Intense Hydrating Activator的那邊, 係迅即令所有油膩感消失, 皮膚比噴上花水那邊, 更滑更軟! 這是我前所未有的經驗
掌門人亦比了個tips 給皮膚極乾, 但又要化妝的人, 可用這方法, 即時令皮膚回復狀態, 令妝容可以貼服一整天.
知道這”秘密”後, 我回家就試了幾次: 因我都係睇其他美容編輯介紹, 晚上可以豪用FACE OIL 作MASSAGE 用….加上我跟了好友博士買了RAFA 按摩器 (貪佢唔駛用電, 攞起就用得, 加上佢自己有微電流, 可以加速血液巡環, 提升輪廓緊緻度), 睇住電視嚟按, 時間好快過.
以往, 啲油都係吸唔晒, 我就會噴啲花水上去, 減低油膩感. 但有時用得油太多, 噴完第一次花水都係油, 結果要用TISSUE 印走啲油 (浪費咗啲囉). 現在只要搽啲Glow On Intense Hydrating Activator, 就一TAKE OK….唔油得嚟, 滋潤效果仲LASTING 咗好多. 之後, 晚上可以用emulsion 代替cream 添!
右: cdp la serum
左: Evie Beauté Glow On Intense Hydrating Activator
其實同時, 我都有用cdp 的la serum (都係肌底液); 大拿拿都成$2500 (40ml)……係嘅, 用咗佢, 之後再用佢哋嘅補濕lotion, 係補水好多…..但問心, 又未至於非常了不起 (我有比足機會佢, 用咗3枝架la)……..直到試咗Glow On Intense Hydrating Activator, 真係唔駛諗, 決定轉會. 個價才$880 (75ml), 但效果真係好出….除按摩後用之外, 日常用都好得; 最啱我嗰part 係我這些aging skin 人, 要用rich 啲嘅skincare, 而用咗Glow On Intense Hydrating Activator, 不但可以減低rich 產品的油膩感覺, 仲令到效果維持得更耐.
另外, 我亦趁機會問了掌門人一個問題: 對未接觸過Evie Beauté的女士, 如她們只想買一件產品去試試效果, 你會推薦那件產品?
掌門人想了很久 (因此終每人的需要不同嘛)….她說就先試落妝油. 因性質溫和, 跟一般落妝油不同, 用完不但皮膚不會覺得乾, 仲會又軟又滑. 這我之前試用過, 真係乾淨得嚟, 又軟又滑….仲有淡淡的玫瑰花香!
另一隻掌門人想介紹給 “入門者”係她們的hand cream. 因hand cream 用上跟face cream 一樣高的standard…..你雙手怎會不立刻變靚呢. 同場PR 友人說, 她向來不多懂SKINCARE的媽媽, 果然將hand cream 誤當成face cream 用, 都覺得效果很好!