首先，個包裝以花瓣、上面寫住含有60%油份，其中包括左自然既花朵油份、不含阿摩尼亞、可掩蓋白髮、改善髮質等等。睇資料原來染髮劑利用油導染髮技術，令髮質顯著改善，如︰不粗糙、不毛躁無光、髮質更柔順等，以最少的鹼性劑MEA及高濃度的Mineral Oil完全取代阿摩尼亞。而最吸引我係不含阿摩尼亞，因為覺得冇咁多化學成分。另外係可以掩蓋白髮，因為年齡漸大都出左幾條白頭髮。
今次染髮要由男朋友幫手，因為我頭髮都幾長下，如果自己染都會幾麻煩，平時我用染髮泡泡可以自己染到。試之前要做48小時測試，以防止敏感情況發生！記住染髮之前都要做呀！
今次我試用係深啡色，一開包裝入面就有一對黑色既膠手套、1號顯色敷用劑、2號護髮染髮霜、3號絲滑光澤護髮精華和一個上色瓶。先將1號同2號用上色瓶混合，唔會有平時一般染髮劑既刺鼻既味道，反而有一陣花香味，值得一讚！
染髮後
搽好晒等35分鐘後沖水，沖水後用3號護髮素沖下令頭髮冇咁傷（畢竟都會有d化學成份），沖完之後有陣花香味同d頭髮都滑左！下次要試淺啡色先！