如你喜歡用礦物化妝品, 你應該會聽過Jane Iredale.
而很多人會問, 為什麼會用礦物化妝品, 而不用大路的化妝品?
model answer 會話, 礦物化妝品一般對皮膚傷害和負擔比較少, 就算敏感膚質, 孕婦用, 都好安全. 雖然好的礦物化妝品是不會block 毛孔, 但始終都是化妝品, 你仍需要落妝的.
對我這花心敗家精嚟講, 因我皮膚唔係時時都出現不良狀況, 我並不是只用礦物化妝品的. 而我亦相信, 只要你買的是信譽好的大牌子, 品質都會有保障. 而且一般的化妝品, 色系, 質地, 都會比礦物化妝品的選擇多 ~ 所以你可以化出非常細緻的妝容.
但係, 我都總有些礦物化妝品在家看門口….的確, 當皮膚出現狀況時, 或你想讓皮膚少啲負擔時, 都係要揾佢哋. 我皮膚偶爾會敏感, 亦偶爾會爆瘡….這段時間, 我冇必要, 都唔會化妝…但如果化妝….都盡量base 同底妝都用Jane Iredale.
雖然Jane Iredale係有晒full range 化妝品 (可以上網看: www.stp-mineral.com),但我長期都只有兩寶: Face Primer and Full coverage Mineral BB cream. 因底妝係第一層和皮膚接觸的東西, 和成面都要搽, 所以有事時, 佢哋咪好似雨衣咁, 擋一擋. 雖然bb cream 可以選的色只有3種, 而foundation 有7色供選擇…但我都是買bb ceam, 貪佢快靚正 (仲有SPF25 PA++), 而且coverage 度高啲 (因皮膚有事才用嘛). 反而primer, 我就冇事都會用, 因佢補水度很好, 一用皮膚即時變得又軟又水潤.
看我現在飈烏咀狗瘡, 有時懶, 印多少少bb cream 落去, 已即時遮咗9成. 話得coverage 夠, 更係會有啲厚. 所以, 我面珠位冇事, 就唔會上咁厚, 否則就成個妝容會太過厚. 其實如果你想加強透薄感, 可以1:1 bb cream mix primer.
如果用正常的粉底, 我晚上回家, 啲瘡會谷得更勁, 但用Jane Iredale, 就唔會有差異.
另外, 最近跟朋友交換化妝心得, 原來佢對蠟敏感…而一般的唇膏都有蠟, 她都用不到; 試了多年, 亦只有Jane Iredale的唇膏啱佢用.