早前已有朋友跟我說, 含水楊酸的皮膚抹紙
能疏通毛孔, 能改善暗瘡
她在iherb 買的stridex好好用….但長期斷貨
咁啱, 我見人在fb 介紹這韓國出的medicube ZERO pads
70片$218….都ok la, 就買嚟試
以前, 我都好怕啲 “酸”性產品
因我皮膚薄, 好怕會引發敏感
但睇過啲介紹, 原來濃度不高, 應該冇乜大礙的
咁啱, 我又生咗幾粒荷爾蒙瘡
就即管睇吓點
係洗完面, 用pads 抹, 不用過水
你之後, 可以用番你routine 的skincare
我主力抹t-zone 同下巴的瘡….面珠略略抹吓就算
用了差不多10天,
下巴有啲粉刺係會自動走出嚟, 好易清走
啲瘡就冇乜特別好得快咗;
但平時, 瘡的附近好易再出另一粒
今次, 就冇野開
鼻頭啲毛孔冇特別細到, 但出油情況有改善
不過, 最令我驚訝係….次次抹完, 塊pad 都黃黃的
但我肯定自己落妝落得好乾淨
之後又用洗面梘洗過
我唔知嗰啲係殘妝定係我啲老泥 (死皮, 老化角質)
但抹到啲黃黃的….令我心理上覺得乾淨咗好多
心理上, 總覺得啲皮膚變得亮澤咗 ~ 囉! (女人好易呃)
今天只用了一點TINTED MOISTURIZER, 有點潤色, 但冇乜遮瑕功能
後話
好在stridex近日返咗貨, 我都訂咗兩盒
仲好平, $48 有90片 (不過, 90片裝我唔知點解click 唔到, 只能買55片裝 $32)
但遲啲先試, 睇吓兩隻有乜分別