Mikimoto

好多人讚我皮膚好 …其實我的皮膚一半係遺傳自我母后 ~ 佢天生就如剝殼雞蛋, 造得佢個女, 差差哋都造到隻剝殼鹹蛋; 1/4 亦係多得佢, 响我好細個開始, 就比我用上佳的skincare (實情係, 佢自己買咗, 唔喜歡用, 就塞比我, 好在母后係blue blood, 買的都係非一般的好嘢), 最後的 1/4 就係我自己補養.

母后好早已向我灌輸skincare 知識, 當中, 佢講得最多, 就係叫我唔好亂用有珍珠成份嘅產品…珍珠係好 ~ 如純正的話; 可惜好多都被污染, 再用嚟造skincare的, 可能含有好多雜質, 甚至係鉛同水銀…這些物質, 會令皮膚受到永久性的傷害.

5月時, 我去了一轉泰國渡假, 朋友托我去買當地一隻珍珠膏, 話大s 都用, 用完又白又滑…..仲好平, 幾十紋有交易. 我當時好 “囂”咁拋咗句: 同你買冇問題, 但我自己一定唔會試, 要試我只會試mikimoto. 結果, 朋友回家上網造功課, 果然見到有news 話, 嗰隻泰國珍珠膏含水銀的報導.

可惜香港冇mikimoto skincare 賣…我去日本時又醒唔起買佢. 直至月頭, 我跟博士去台北…..佢老人家忽然發現, 復興sogo 有mikimoto, 仲造緊promotion! 所以一落機就走去看看.

真係有好多set, 好多都係平咗30%以上, 有些仲限量得30set. 但始終未試過, 唔知堅定流, 最終只係買了paper mask. 因為paper mask 係最快見效嘅產品. Mask 造緊買6送3, 為起approx HKD100 一張.

當晚回去, 我先試 ~ 開咗佢, 覺得佢啲汁似TONER 多過SERUM, 稀稀的, 但又索得好快. Mit 開mask 後, 不用冲水, 當啲serum 索乾後, 皮膚爽滑到不得了…一般, 好多聲稱美白的mask 會不夠潤同補水; 而滋潤的mask 又會帶點黏, 補水的mask 又會帶點笠….mikimoto 美白mask, 不但不乾, 仲潤而不黏, 補濕而不笠. 我覺得成個tone 均勻咗, 皮膚好上咗層好薄貼透亮的粉底咁.

我叫博士看看我的after, 佢都話, 真係得喎. 佢跟手就試, 果然效果跟我一樣的好! 但我哋仲有保留 ~ 因要看看effect 是否lasting….好多品牌, 只係用嗰刻好, 過了一夜就乜料到冇.

第2朝起來, 我哋都大叫: 唔係化…仲咁得嘅 ?! 掂喎!!!  就係咁, 就算唔順路, 我第2天即仆出去sogo 再為大家買多set mask + 限量30套的 recover serum + day emulsion. 我越試越happy, 仲背住博士買埋 sun protector set 同一個碎粉refill.

以下係我用後感:
Sun Protector EX SPF50+ PA+++ :
NT1,800 兩枝(original NT2,250)
質地爽爽的, 搽咗皮膚有度淡淡的珠光. BA 話, 佢有珍珠成份, 可以同時護膚

彈力甦活組: 1 x MP recover essence +  1 X Day Emulsion
限量30組, NT4,260 (original NT6,480)
我只開了 essence 用. 佢只係晚上用就ok. 感覺幾潤, 但好快就吸晒. 皮膚果然因佢變得彈力十足

碎粉 (沒有discount, 但我又好多碎粉盒, 所以慳家啲, 只買refill)
講起嚟都慚愧…我同博士第一天試嗰時, 我賴係扮晒專家又扮晒理性…話唔會買…一來, 我堅係多碎粉, 連最頂級的 la mer, cdp 我都有. 2來, mikimoto 的碎粉帶閃, 我不喜歡碎粉帶閃 ~ 雖然佢的確係幾細緻滑溜

第2天去買嘢時, 我厚顏無恥…先試咗SUN PROTECTOR 搽晒面(哇…唔駛錢, 乜都試; 況且, 啲嘢咁貴, 梗係試埋上面, 呃得幾多得幾多). 跟手BA 話, 不如比啲碎粉你搽 ~ 我梗係 “好呀”

一試咗上面…EE ~ 唔閃架喎…又有珍珠成份可以靚得嚟又護膚…..所以…買埋!!!

後話:

Mikimoto的product 都有珍珠膠原蛋白同珍珠蛋白, 能令皮膚美白並同時添上滋潤感

我so far, 覺得最潤嘅mask 係Lancome Absolute, 美白最得嘅mask, 係sofina

但夏季用absolute 會有啲笠, 可能要過吓水. 而sofina 美白mask, 則唔夠潤. 如喪曬後, 我會先用absolute 補吓先, 待皮膚唔再覺得乾, 先開始用sofina

但mikimoto, 佢係集Absolute and Sofina 的長處於一身, 但又沒有佢哋嘅缺憾.