好多人都問, bb cream 同傳統粉底液有乜分別, 官方答案會係: BB cream 只係底霜, 唔係foundation. 只係大家發覺, 佢可以令膚色均勻, 所以就當佢係foundation 咁用. 我個人認為 bb cream 會比傳統粉底液多了點護膚成份, 令你靚得嚟又唔傷皮膚. 而普遍的bb cream, 遮瑕力比粉底強.
現在出的bb cream, 不再會是水泥色, 可以選的色調亦漸多; 同更具 “美容”效果. 大家都知, bb cream 係韓國 “傳”入香港, 所以韓國產的bb cream 向來都有保證. MISSHA本季新推出的 撫紋嫩肌護膚底霜則有多個新新功效: 掩蓋細紋!!!
佢係集 BB CREAM + WRINKLE FILLER 於一身. 但兩隻CREAM 係分開的, 只係在你GIT 佢哋出嚟用時, 才會MIX 埋. 這BB CREAM 的WRINKLE FILLER 有隻攞咗諾貝爾獎的成份叫Fullerenes, syn-ake 同10多種草本精華, 所以能治療皺紋, 毛孔大嘅問題, 令皮膚嫩白有彈性. 同時, bb cream 本身, 都一如以往, 可以均勻膚色同遮瑕, 亦有SPF37 / PA++.
啱啱星期天去咗潛水, 晒到啲斑斑出咗嚟 (又係要加緊美白的時候), 再另加身體不適出咗幾粒大瘡. 但只係用佢, 基本上啲斑斑都遮到好多:
鼻頭上的粗大毛孔, 亦有改善
面珠的雀斑亦遮得7788
下巴的大瘡 (最惡毒嗰啲 ~ 又大又腫, 但冇濃頭的) ~ ok 遮到
額頭的小瘡, 啱啱新出, 仲好鮮紅色 ~ 都ok 遮到
因bb cream 的遮瑕度較傳統粉底高, 所以粉量夠就好, 太多會令人覺得你嘅底妝好厚. 所以我會以 “搽果jam” 的方法上 (如你要用掃上都ok 的)
1. Git 少少 (半pump 都夠了)
2. 在手掌spread 薄佢
3. 用中指 (頭兩節) dip 勻啲粉底， 薄薄的壓上面再推開
4. 再在大瑕疵位印多一點點上去
5. 最後用碎粉定妝
雖然這新MISSHA 只得兩隻色 (亮白 OR 自然). 當天化妝師給有古銅色肌膚的DADA 作DEMO. 但完成後, 你不會發覺有兩節色的.
後話:
之前我都有問過BA, 雖然現在的BBCREAM 出嘅色已跟粉底色貼近好多, 但論顏色的選擇, 始終還少了些. BA 說, BB CREAM 只係底霜, 所以顏色不算多. 而市面的底霜, 往往只有一隻色, 相對嚟講, BB CREAM 的顏色選擇, 算多了.
如你對顏色跟膚色的配合要求極高, 當然, 只有兩隻色的針產品未必可以100%滿足你. 如你上得好薄, 都覺得兩節色, 你可以考慮用深小小色的碎粉去定妝, 令問題解決.