我因為貪靚, 久不久就去造color 或電吓, 又會游水曬太陽…這一切對頭髮都有一定的損害. 所以, 咪以為只有長頭髮的人才要護髮, 就算我已維持短髮造型好一段時間, 我都要護髮. 好記得有些男性朋友跟我說 ~ 見到好多女仔好靚, 皮膚都keep 得好, 奈何頭髮似堆草, 所以極為 “浪費” ~ 靚女就冇我份…但可以唔太煩, 自己造得到的頭髮護理, 我都會定期造的.
尤其是入秋, 天氣乾燥, 令皮膚乾時, 頭髮都乾….所以當你轉換潤一點的skincare 嘅同時, 都要為頭髮加強營養.
瑞士Rausch 的頭髮護理產品, 向來以高品質的草本精華為本, 產品天然, 對頭髮不會造成負擔 *因市面好多牌子的護髮用品, 都有加入化學成份, 可能即時能比到你好好嘅效果, 但用耐咗, 啲化學品積在頭皮上, 可能block 毛孔, 再嚴重啲就會引起頭皮敏感.
Rausch 新出的Amaranth Repair Serum 不是一般的髮尾油, 佢仲可以當treatment 造. 佢滲透力強, 可以強健髮質, 可修補已受損的鱗狀表層, 並令頭髮亮澤. 最緊要係, 佢唔係油笠笠 ~ 我好怕有些髮油…用小小就油笠笠 (尤其係我現在短髮…一用錯髮油, 就成頭好似7日冇洗過頭咁)
先講講佢嘅 “髮尾油”嘅用法 ~ 可以洗頭後, 先索走多餘水份, 搽小小在髮尾, 再吹乾頭髮. 或乾用 ~ 即有需要時, 搽點在髮尾 ~ 這會有效減低毛燥感.
如果你是長頭髮, 因養份有時未能到達髮尾, 而令你髮尾好乾, 所以, 每次洗完頭後, 都可用一點. 如果你怕油…最好都係 “濕用”. 相對嚟講, 如你係短髮, 都係 “濕用” 為佳…因這樣用, 我覺得最滑, 最不油膩 ~ 尤其你之後又要吹乾頭髮, 先用點rausch 就可以為頭髮打底去抵抗hair dryer 的熱力和乾燥.
佢另外的用法就可以當係treatment ~ BA 教洗頭前, 先將適量的rausch 搽在乾髮上, 再用熱毛巾包住焗 15min. 但我自己就怕煩…都係搽完就笠住啲DISPOSAL 膠SHOWER CAP, 用自己的體溫去焗吓佢. 之後用SHAMPOO OR 就咁清水洗就得.
我都有問BA, 哇…用SHAMPOO 洗會唔會洗走晒啲油份…BA 話很多養份已完全滲透進髮芯, 你只是洗走表面多餘的東西而已. 如你怕 “洩”, 可以用清水洗走都得.
我個人啲頭髮好蹋, 又軟, 所以好忌過多油份在髮根…所以我一定用SHAMPOO 洗. 但正常日子, 我係過兩次SHAMPOO, 如用treatment oil, 就用一次.
始終我都係短髮, 造一次treatment 都可以挨好耐….平時, 1星期, 我就揾1-2天, 濕上….補一吓. 如長頭髮的人, 就不妨day day 洗頭後都濕上, 始終你哋要的養份比我多嘛.