fbpx
Take a fresh look at your lifestyle.

RMK Concentrate Advance Cream

0 339

自紐西蘭回來, 一直想去造個facial (通常, 我去旅行後, 都會走去執吓啲皮膚). 但無事忙之餘, 看見皮膚又未至於太差 (之前blog 有講我去旅行時用咗乜嘢skincare)…所以一直瀨死未有行動.

 

但話晒已入秋, 冲涼時發覺身體的死皮多了, 要磨砂; 心諗, 塊面雖然冇大礙, 但都係時候嚟個大掃除, 所以就自己造個海藻矽針facial (之前都在blog 介紹過). 自己同自己造, 可以因住啲力; 我唔挨得, 所以一定唔會捽到好痛. 造完海藻矽針幾天, 皮膚都會比較乾, 對一切護膚品都格外吸收.

 

我頭一兩天, 會先用endocare 蝸牛精華修護番啲皮膚. 之後幾天就會用bakel 的維他命C, 令膚色健康亮麗 (這兩款產品之前都有介紹過). 面霜, 雖然我有很多瓶, 但基於endocare 同bakel 對我來說, 都好夠營養, 所以我會配啲比較水潤的cream, 主要鎖得住啲養份就ok ~ 如nars aqua gel (這個產品, 是我多年來, 回購率最高的). 如果用好rich 嘅面霜, 我覺得一吓子餵咁多養份落皮膚, 怕吸收唔晒, 只有浪費.

rmk_cream_oct16

這次, 我用RMK Concentrate Advance Cream去代替aqua gel…..又好有驚喜:

 

 RMK Concentrate Advance CreamNARS Aqua Gel
補濕度平手平手
滋潤度略勝;

基本上, 造了矽針, 晚晚用佢都唔會覺得乾. 但以前用aqua gel 的話, 夏天ok, 秋冬就可能唔多夠.

但aqua gel 可以厚敷去sos. 亦相對rmk 比較清爽
保濕力 (即作為屏障, 阻止水份流失)絕對勝利除非晚上, 你厚上, 效果會好啲

 

兩者都可以妝前造打底, 都會令底妝好貼服. 我係乾底, 所以現在秋天, 我覺得用RMK Concentrate Advance Cream舒服啲. 但在夏天, 我喜歡清爽….所以我覺得用NARS aqua gel 會舒服啲.

 

RMK Concentrate Advance Cream的屏障功能勁啲, 係因為佢有一隻叫BABY WATER LIPID 的霜狀脂質, 能形成保濕薄膜, 包住皮膚的水份. 而且當天氣乾時, 皮膚的屏障往往變弱, 而令你好易出現敏感; 所以皮膚屏障這原素要多加護理.

 

RMK Concentrate Advance Cream塗上後, 可以用掌心的熱力按在面上, 令養份加快滲透入皮膚內. 而在你面色麻麻, 皮膚又極度疲倦的時候, 你可以塗上後, 在蓋上熱毛巾, 這可以加速血液循環, 令修護效果更佳. 我這小家的人則”怕” 濕毛巾會抹走面霜的養份, 我會用保鮮紙包住條熱毛巾先敷面.