RMK Play on Pink
粉紅色係好多女孩的心水. 所以化妝箱內, 必有不同粉紅的胭脂和唇膏. 但講到粉紅色眼影….我真係唔算多……但往往, 粉紅眼影的 “要求”率, 都很高.
為什麼我好少用粉紅眼影 ~ 因為如造得好實色, 就會有厲鬼feel. 如造得過份blink 又會好娘…..本身, 好的粉紅色眼影已很難求. 而且如客人的眼腫, 用粉紅色都唔係咁啱.
今季RMK 都算係破格, 出的5系眼影都係以粉紅為主調……難得本身的顏色可以造到不偏不倚…..顏色不會太濃, 閃片不會太OVER….淡淡的散出很溫柔的粉紅色.但因為顏色比夠清, 所以我會Suggest 大家最好畫點眼線 + MASCARA. 如你眼有點腫, 則最好用啡色加強聚位….那成個眼妝會sharp 好多.
另外, 為加強顯色度, 我會化眼妝前, 加點eye base or cream shadow. 這天我用的是04 Pink Yellow. 我只係直接用眼影掃mix 兩隻色, 直接塗在眼蓋上. 向來, RMK 的眼影都好易用…一上就好均勻, 唔駛點BLEND 的. 雖然我的眼未算腫, 但我都照畫眼線, 聚位同MASCARA, 令眼睛放大一點.
其實這季, 更令我驚喜的係 Lip crayon & Lip gloss + face color brush.
紅唇熱潮仲未退減, 所以我時不時都會畫吓. 之前都造過多次DEMO, 同一個妝只要一改為紅唇, 成個感覺會華麗好多. 所以有時返工我會化個淡妝, 如收工後有function, 就會畫個紅唇先去.
但畫紅唇, 我始終堅持要落筆精確, 否則啲唇線畫到一忽忽or 唔balance 都唔係咁靚. 所以多數都用唇掃畫. 但crayon 的筆頭夠細, 夠硬, 不用掃, 直接上, 效果都幾好. rmk 的crayon 造得幾好, 不算乾, 如你唇厚, 不想紅唇後再加gloss 令咀放大, 就咁用都ok.
Left: gloss only
Right: crayon + gloss
RMK 的掃真係物超所值, 繼早前的FOUNDATION BRUSH ~ 佢可以話係我用過最滿意的濕粉掃頭3位. 這次出的 Face color brush, 造shading 掃又得, 造胭脂掃又得 (但我面大, 我prefer 佢造shading 掃) ~ 佢係100% 山羊毛…但柔滑度, 細密度, 真係拍得住一枝上千的貂毛掃….超級舒服….我都以為看錯價錢….咁得手的掃, 只賣$320!!!