我對skincare 花心唔專一就梗架la…..
有時盡管有啲產品都好用….但花心的我用晒後, 就會變節走去試新嘢, 冇再回頭. 但有時, “良心”發現, 又會召番佢哋入宮.
Rosehip oil 就係近日比我再召回入宮的東西.
之前介紹:https://beautytalk.com.hk/trilogy-rosehip-oil
當年一買好幾瓶, 效果係好, 但亦笠到冇人有, 所以用完就冇再買. 直至近日小虎話佢媽媽說有隻油好好用, 去頸紋一流….問我要唔要…最緊要嗰句係: 該seller 賣晒就唔再入貨! ( “唔買就冇” 係我死穴!) 我2話不說托佢買了幾枝, 回來一看, 完來就是rosehip oil. 但這seller 賣得好平, 只要$75 per bottle (但15ml). Tirlogy rosehip oil, 當年如在Joyce Beauty 買, 好話都要4xx ( 20m l).
我看小虎用後, 頸紋果然好咗好多….同埋, 頸位冇咁敏感, 所以搽上比較笠嘅產品都唔會覺得好辛苦. 用完不用幾天, 條頸真的滑一滑…..我用過chantecillie 的neck cream sample 一直都心郁郁想買. 但1瓶chantecillie 要$1xxx (差不多$2000), 令我打退堂鼓. 好在, 現在發覺, 原來平平的一枝rosehip oil 都有這效果…心情大好!
小虎在一家連鎖店叫ecosway 買的.
小虎還提議我時不時用在額頭 + 眼位 (不要天天用, 因太笠了), 1星期1次就夠. 因她發覺我愛皺眉, 眼下又多表情紋. 我就忍住笠用了幾次, 效果都超令人滿意.
以往我只以為佢可以令皮膚變得嫩滑, 去乾燥, 令曬後的皮膚得到舒緩…..但沒有發覺佢去紋原來咁得手. 如果你哋頂得笠, 可以一試.
p.s.
l 佢真係超笠, 同埋要好長時間才可以全面吸收 (要1晚). 如要搽面, 我個人認為不要早上用, 否則好易溶妝 ~ or 什至上唔到妝架.
l 如搽面, 直接上的話, 真係笠到有啲惡頂架; 如你不是要SOS 肌膚, 就不要這樣造. 如日常保養, 我提意大家可用1滴油MIX 落啲水份較重的CREAM先搽上面. 這樣係最有效 “溝淡”笠嘅不良感覺.
l 你們亦不一定要買我用這兩隻牌子的出品. 因之前, 已有朋友跟我說,在JOYCE BEAUTY 時時斷貨. 好多出organic 產品的店都會有得賣.