fbpx
Take a fresh look at your lifestyle.

妝前補濕 ~ SKII

0 440

相信大家對SKII 絕不會陌生…神仙水, PITERA….從雜誌, 從電視廣告, 你總會看到, 知道是什麼. 所以就算我多年嚟都有用神仙水, 我都冇乜在BLOG 提及. 

但這回去台灣學妝, 終於見識到他們常用的安瓶是什麼. 安瓶只是serum 一枝, 用作妝前打底, 由於保濕度好, 所以會令妝容持久. 但有些化妝師覺得, 如用的份量不對, 會令底妝好笠 (反正我覺得我習慣用的打底補濕用品都夠好, 所以暫時唔會買安瓶用). 而未上妝前…老師都會趁給model 先敷點化妝水, 都係想令model 的皮膚夠水份, 咁之後上底妝就會事半功倍. 

台式的底妝一般都比Zing 教我上的底妝厚很多. 但因為之前的保濕功夫造得好,所以, 底妝還是會很貼的. 底妝厚or 薄, 看個人喜好….但保濕造得好, 就幾時都好緊要 ~ 保濕造得好, 底妝就自然會靚.嘛. 

Zing 都有教我們妝前如何給客人先補濕的:妝前用NARS Aqua Gel 打底 + 用佢嚟mix 粉底, 我都一直源用至今. 其實ZING仲有教我哋妝前給客人用SKII 的mask + 神仙水的.

 

MASK ~ Facial Treatment Mask

Zing說過, 如看到客人超乾, 皮膚暗啞, 就可以上妝前給她先敷SKII MASK. 藥到病除. 這MASK 仲有兩個好, 就係效果持久 + 唔會令底妝起屑.

所以我都會SUGGEST 我的新娘子客人, 如可以, 早起一點, 我到之前先敷個MASK 或之前嗰晚敷咗先瞓.

但始終每個人的皮膚都唔同, 新娘子如用新產品, 千奇唔好結婚當天先用, 否則因不適應造成敏感, 就好大鑊. 反正護膚, 都希望你在倒數前1, 兩個月好好的造…..靚係要時間去經營的….況且, 萬一真係用後敏感, 你亦有大把時間去康復.

至於美白OR滋潤型的MASK, 我個人就覺得不適合妝前用的 (就算佢哋唔會令底妝起屑). 因美白MASK 保濕度唔夠高, 而智潤MASK 又會令底妝變笠.

神仙水 ~ Facial Treatment Essence

都係補濕一流的東西, 可以在上妝前用拍打的手法將養份快速導入. OR 將化妝棉濕透, 敷在面珠位.

記得給我介紹用洗面機的SAMMY嗎 ~ 他也告訴我, 洗完面後, 用神仙水敷吓面, 效果超好. 所以我時不時都會學佢咁造.

但有好多人都同我反映過, 用了神仙水後, 會出暗瘡 (好彩, 我本身冇這問題). 後來我問BA, 係咪PITERA 會引起人皮膚敏感, 因而出暗瘡呢? 原來唔係…PITERA 係有效將你皮膚底層嘅毒素帶走, 所以有些人因此會出暗瘡. 一般用上1, 兩個月就會冇事…你之後的皮膚會變好.

TONER ~ Facial Treatment Clear Lotion

這跟妝前保濕無關…但跟本人的無知有關: 是源早幾天到SOGO攞神仙水….天氣熱嘛, 但我為了造多點運動, 我係由灣仔行去銅鑼灣的….去到SOGO, 反晒白眼, 滿面汗水 + 面油…BA姐姐好貼心, 話攞啲嘢比我抹吓面. 我叻唔切答佢: 好呀, 唔該比啲神仙水我. BA: 唔係, 係TONER呀. 但神仙水唔係TONER….佢係TONER 之後先用架. 佢都係補養品嚟架…………….吓….係咩….我一路都當佢TONER 咁用…錯晒!

 

這TONER AMAZING 呀…一抹…哇…塊棉花又黃又灰…將我路上 “風塵僕僕”的塵 + 面油抹得乾乾淨淨哦! BA 話佢亦可以作洗面後的最後防綫……所以特別在這裡給大家介紹埋.