Tatcha classic rice enzyme powder and cleaning oil

如你覺得 deep cleansing 會乾, 而scrub 又可能刺激 (其實現在好多品牌出的面部磨沙都造得好細緻, 唔會 “省”到你痛; 但我亦明白有些人特別敏感, 連小小磨沙的感覺都不喜歡)….你可以試試帶有enzyme 的產品. 都係可以去到角質的.

Tatcha 係一個在美國研究, 再在日本生產的品牌, 可在Joyce Beauty 買得到. 佢哋有3款Polished Rice Enzyme Powders. 都是用上大米酵素, 不但可以清除角質令皮膚幼嫩, 亦不會刺激皮膚.1. gentle: 為敏感肌而設, 有鎮靜功效2. classic: 為中性肌而設, 可以調節皮膚功能

3. deep: 為油性皮膚而設, 可改善暗瘡問題

我就選了 classic…雖然產品可以早晚都用, 但因我習慣早上只以清水洗面, 所以只會在晚上用. 只要放半茶匙的份量在濕透的手上, 略為起泡 (不會太多泡的), 再在濕面上按摩幾吓就冲得. 按按吓, 你會發覺啲泡唔見晒, 冲咗水, 你即時會覺得皮膚變得如絲幼滑. 之後, 上skincare 又好, 敷mask 又好, 效果都特別好.

就係因為去完菲律賓, 不但暴曬過, 回來仲要大病發燒了, 令皮膚狀態欠佳. 早前介紹過的200BUFF 磨沙, 只可以一星期用一次, 而每天, 我再用這rice enzyme 洗面, 之後再敷唔同嘅mask…皮膚真的復原得好快. 
Left: Cleaning oil
Right: Classic Rice Enzyme Powder

其實Tatcha 這品質的誕生, 源自一本200年前的藝妓美容bible ~ 她們雖然每天化上又厚又白的妝容, 但仍能keep 到很好的皮膚. 品牌就是本著這古老的配方, 配合現代的科技研發出來. 所以, 怎可以不試佢哋嘅落妝油! 藝妓妝都落到, 睇怕冇妝係落唔到. 仲要係溫和到連bb 都可以用 (bb 當然唔會化妝, 但有時去party 畫大花面, 回家都可以用佢嚟落)

其實這些年, 我都係用shu 的makeup remover oil…貪佢夠快, 又唔la 眼. 但因為始終都係覺得佢有啲油膩, 所以點都要過吓梘先安心. 同埋用完, 佢都令皮膚有啲乾. 跟shu 相比, Tatcha 啲油輕身啲, 乳化後, 冲水即變得乾爽. 不用再用梘洗面都得. 我試過, 連防水mascara 都卸到, 亦唔la 眼.

經過一星期密集護理, 皮膚已逐漸回復正常.

1) 未去潛水trip 之前影
2) 7月1日回來, 這相是7月4日影, 皮膚不算太差, 只係光彩不足, 底層感覺仲有啲乾.
3) 7月8日影, 皮膚除有小小suntan 之外, 光澤度, 彈性跟水潤感, 已跟未去之前差不多:

所以敷mask 喪補之餘, 如能配合適當的scrub 同enzyme 產品, 會令養份吸收得更好, 從而加快修復進度.

後話:

以下係我的清潔習慣:

1) 如冇化妝, 只上過sunblock: 先用bioderma 抹面, 再用洗面product2) 如只用了bb cream or 輕妝: 就用cor 洗面梘3) 如full makeup: 就用makeup remover oil + 視乎需要, 再用洗面product

4) 1星期會有2天左右會用clarsonic 洗面機5) 1星期1次用hitachi 造導出

6) 比較勁的scrub (但我所謂的勁scrub, 係feel 到有粒子, 但粒子都很fine 的)…, 會1星期用一次. 有時鼻位油, 就會focus 鼻位scrub 多次7) Enzyme 家吓就天天用….如皮膚回復原狀, 我就可能隔天用. 唔係佢唔好, 只係我有太多別的洗面產品, 等我寵幸.