這趟日本之旅, 我一心想買一個家用的美容機, 叫tripolla, 據說佢有RF 的功能, 可以提升面部的緊緻度 (對LA, 又係比magazine 的廣告燒到)
但去到大板的電器店, 店員話佢哋冇這部機,….咁自己就在家用美容機那SECTION 睇吓嘢……睇睇吓, 又有DEMO 喎, 就係用這溫冷機機…..一吓冷, 一吓熱……就係咁轆幾吓, 阿太太塊面FIRM 咗喎….跟住, 又有啲人話補水一流…..
就係咁….我就買了一個會酒店用 (退埋稅, 大概 HKD1000). 買佢另一個理由, 係佢嘅電壓可以 110-240, 即香港用到, 不用買火牛. 我見有啲TONGS 都好特別, 但用時要加火牛, 所以我就冇買了.
其實好耐之前, 我都有買過類似的, 但佢不能冰火同時用. 但yaman 可以. 佢係一面熱 (42度), 一面凍 (12度). 透過+/- 30度的溫差, 可以達到步濕, 收緊嘅效果
(銀色嗰面係凍; 反轉就係粉紅色嗰面係熱的)
我這日文白痴就係看圖識字 (不排除有誤解成份, 如你哋要好認真了解, 都係買咗架機, 問番識日文嘅朋友) ~ 佢有幾個用法
1. 補濕: 洗面後, 先用熱mode 推3分鐘, 上補濕用品後, 再用凍mode推3分鐘
2. 收緊: 5秒熱再2秒凍, 如是者, 1塊面造3分鐘
3. 收眼部浮腫: 3秒熱+2秒凍, 每隻眼30秒. 仲可以用凍嗰面輕輕拍打眼頭位
4. 收毛孔: 用拍打的手法, 3分鐘熱 + 3分鐘凍
5. 妝前: 3分鐘凍mode 去推
6. 清毛孔油脂: 熱mode 3分鐘
我在日本時, 相當乾, 所以只用了方法1. 用完又幾好feel 的. 但你問我, 佢同hitachi 的導入機有乜分別, 我又說不出來. 可能這溫冷機多了收緊功能吧
但博士有眼袋, 佢推咗幾吓眼, 眼袋即時收細咗 (當然佢唔係神, 唔會令眼袋完全消失；而且, 過咗一陣, 就會打回原型. 要有持久的效果, 就要睇你有幾大恆心去keep住造la)．
跟朋友說起, 原來韓國都有, 仲advance ~ 個頭係用能量石造 (好似黑耀石之類), 仲可以用嚟掘沙, 又可以有造熱石facial 的感覺.
我覺得這不是一個must buy item. 但對於懶造facial 的我, 又幾好. 同埋當我眼同腿好疲倦的時候, 用熱mode 去look 吓, 又幾舒服. 早上有心情, 就用冷mode 去look 吓眼, 去浮腫咁la.
別再錯過 BeautyTalk 美容及化妝品優惠，馬上訂閱「BeautyTalk電子報」