眼係靈魂之窗, 亦係最容易出賣我哋年齡秘密嘅地方
就算你 “唔係咁老”, 只要你有眼紋 + 眼附近的肌膚鬆鬆的….人哋就會覺得你 “老”, 同埋冇里神氣. 耐何, 眼DUP 同眼紋, 不能透過化妝去改善太多….有時越遮越衰, 因眼位啲粉一厚, 會令眼紋更明顯.
我這青春都流逝咗唔少嘅人….當然要把握最後一度餘輝, 好好保護眼下的一片 “土地”.
自從感受到CDP Brightening serum 的威力:https://beautytalk.com.hk/cle-de-peau-brightening-serum-supreme , 我同博士的心已給這品牌俘虜. 而博士對眼, 亦是我對eye care 的一大指標. 因佢向來有眼袋, 眼紋 同眼部肌膚頗敏感…..所以經佢 “格”過的eye care, 必屬佳品. 而佢就大力推薦 cdp 的eye cream. 但價錢都非常驚人, 要$2300, 所以我未有即時行動.
這段 “冷靜”期, 我如常去gym ~ 我的保養品收風勝地. 跟朋友說起cdp這eye cream…..跟住在附近幾位保養得好好嘅太太即時搭訕…..異口同聲地話, 這eye cream 係the best…比la mer 更好. 係貴, 但都係值得的.
她們還share, 一定要配合埋附送的白金按摩棒, 效果更好. 她們還補充, 不知何解, 這白金棒只有配cdp 的eye cream 才能有chemistry. 如用上 la mer 或其他品牌, 感覺就不明顯. 而只用cdp eye cream 又不加埋這白金棒去按摩,效果亦大打折扣.
這邊廂, 博士用了幾個禮拜後, 我再見到佢, 眼紋跟眼袋都改善了不少….我胆敢說, 她的眼嘅condition 係我識佢以嚟, 最好的!!! 博士還說, 這eye cream的質地潤得嚟唔笠, 好smooth, 又吸得好快. 亦唔會令你出油脂粒.
但我畢竟都係個冇乜恆心的人….如要我每晚massage, 我真係冇佢咁好氣.但博士說, 按摩手法又easy 又快, 不用1min 就得……好….所有疑點都解開,我就手起刀落買la!!!
貨SIZE = 15m l
早前購物贈送的sample 則有2ml
到現在, 我用了差不多3星期….效果真的好好…眼紋基本上在開始用的2-3天, 已見到明顯改善. 雖然它容量不多, 但每次用的粉量很少, 大概1粒綠豆就夠晒. 所以早前買cdp 送的sample size ( 2m l), 都夠我用上2星期有多(但我只是晚上用……始終 $2300…..哎…..貴呀!!! 慳啲好)
我覺得佢對眼紋 同肌肉鬆弛的效果最好, 又最快achieve 到. 但對水腫型的眼袋, 則要點時間 ~ 我相信 “按摩”嗰part 好緊要….我用了1個星期有多後,就逐漸發覺, 第2朝對眼冇咁水腫. 但對付眼圈的功效, 我則未能證實 ~ 因托瀨, 近來瞓得ok, 冇黑眼圈.