fbpx
Take a fresh look at your lifestyle.

手功飄柔眼線

0 1,566

年紀越大, 對眼越冇神. 近年, 我出街, 妝可以唔化, 但好好醜醜, 都要畫條眼線, 令個樣有神啲. 雖然都有幾隻眼線幾lasting, 造運動出咗汗, 佢哋都可以維持得不錯, 但我都希望一起身就 “靚”, 乜都唔駛搞.

身邊都有啲朋友紋咗眼線, 失敗嗰啲就唔好講, 問心, 都有幾位造得幾靚的, 但朋友feedback 回來, 都係話好痛, 所以我一直冇諗過去造. 後來, facebook 中看到好多人去手功飄柔眉和飄眼線, 效果更自然, 同埋最主要的就係唔痛. 咁啱好友KENIA都識, 所以我問了她一大輪之後 (最主要係make sure, 唔痛 ~ at least 唔太痛, 我可是個連針清都會叫生叫死的人), 就決定老笠佢同我飄眼線.

點解一定要強調 “手功” ~ 原來手功係技師一筆筆給你畫上去, 力度可以就, 細緻度更高. 而且飄眼線比到你的係最自然的眼線, 即係唔會造到你化妝後, 又長又剔的眼線. 如你要有強烈妝感, 都係化妝時, 自己拉番長個尾. 這我非常讚成. 因眼線的畫法會隨住時流轉, 所以, 飄出最basic 的; 之後你化妝時才按喜好去加.

飄柔眼線後, 我化妝畫眼線時, 只要畫如圈中的一點就夠;

IMG_8305

另外, 我係一個麻煩的客人(自持係化妝師嘛)…因我對眼好圓, 所以眼線一定要畫出啲 + 用深啡色先得, 否則會變咗一粒黑豆. 所以, 我要求畫長小小 + 一定要用深啡色 (一般人用黑色的).

其實搽咗麻藥, 又真係唔痛, 成個過程, 只係覺得有啲嘢 “篤篤吓, 撩撩吓”, 冇特別不適. 只係中途, 蔴藥走咁啲, 就會有小小㓤. 但請KENIA 加番麻藥就冇事. 成程一小時多啲就ok.

啱啱造, 條眼線看起來會粗啲同黑啲, 脫咗焦就會變幼同深啡.

IMG_7772

當天, 最好回家敷冰. 而麻藥過咗, 有小小脹痛的感覺….但好輕微. 第2日就冇脹痛了, 但如好大力去”斬”眼, 就會有啲痛, 正常”斬”, 就唔會有感覺的 (但過了4天左右就點”斬”眼都冇感覺) .開始幾天, 要搽Kenia比的眼膏, 同唔好濕水. 我由造, 到結焦, 都脫晒啲焦, 差不多要2星期 (一般人7-10天). 有啲人話結焦時會痕, 但我又冇喎.

基本上在未甩焦的日子, 就唔好化眼妝; 冲涼和洗頭就小心啲, 唔好整濕對眼 (小小水花淺到ok 的, 唔好直接用花洒淋就得) . 所以唔算好麻煩. 開始甩焦時, 唔好用手去mit 甩佢, 由得佢自己甩出嚟就ok.
但我衰, 見乜事都冇, 第一天回家後, 敷嗰15分鐘就算 (其實敷佢45分鐘最好) + 嚟m 水腫, 第二日起身, 對眼腫到連雙眼皮線都冇咗. 但黃昏時, 去了啲水腫就好好多. Kenia 話正常人, 如敷冰時間夠, 第二天係唔會腫的

Day 2 (一早起身, 真係好腫, 但睇住啲水腫消的; 去到黃昏, 基本上ok. 所以該晚真的乖, 跟指示敷足45min, 所以day 3就乜事都冇; 之後都不用敷)

IMG_7806

Day 3

IMG_7846

Day 5 (d 焦開始乾身, 同我亦有化妝, 只係唔化眼)

IMG_7870

IMG_7911

Day 9 (啲焦開始 “分裂”, 有小小開始甩)

IMG_8050

Day 12 (甩咗一半有多)

IMG_8066

Day 14 (甩清, 效果很自然)

IMG_8099
KENIA’s contact:
www.facebook.com/keniaworkshop
後話:

其實幾年前, 我有定期去植眼睫毛的習慣, 真的不用化妝, 看起來已夠精神. 但係就要每個月去修補, 如化妝後, 落妝也要特別小心; 另外就係每次都要造成2小時, 真係幾煩. 最後, 因跟我植睫毛的姐姐搬得好遠, 我就冇再去了.

手功飄眉, 都造到眼有神的效果; 造一次, 可以維持1-2年. 所以方便好多. 以後都不用擔心眼線會化掉.